გალაკტიონ ტაბიძე
From Wikipedia, the free encyclopedia
გალაკტიონ ტაბიძე (დ. 17 გერგობათუთა 1891 წანა, ვანიშ რაიონიშ ოფუტე ჭყვიში – ღ. 17 მელახი, 1959 წანა), ქართი) — დიდი ქორთუ პოეტი დო ოჯარალე მოღალე, საქორთუოშ ოკათე პოეტი (1933), საქორთუოშ მენცარობეფიშ აკადემიაშ აკადემიკოსი (1944 წანაშე), XX ოშწანურაშ ქორთული პოეზიაშ ართ-ართი უდიდაში წჷმმარინაფალი.
გალაკტიონ ტაბიძე | |
![]() | |
დაბადებაშ თარიღი: |
17 გერგობათუთა, 1891 წანა |
---|---|
დაბადებაშ აბანი: |
ვანიშ მუნიციპალიტეტი ოფუტე ჭყვიში |
ღურაშ თარიღი: |
17 მელახი, 1959 წანა |
ღურაშ აბანი: | |
ერუანობა: | |
საქვარუა: |
პოეტი |
გალაკტიონ ტაბიძექ დებადჷ ოფუტე ჭყვიშის. პოეტიშ მუმაქ - ვასილ ტაბიძექ, სქუაშ დაბადებაშახ ჟირი თუთათ ორდო დოღურჷ. თინა დიო ოფუტეშ პაპა, უკული კინე თი ოფუტეშ მაგურაფალი რდჷ. 1900 წანას, ტაბიძექ ქენირიცხჷ ქუთეშიშ ოშურიელე სკოლას. 1908 წანაშე გურაფა გაგჷნძორჷ ქართიშ ოშურიელე სემინარიას. 1910–1911 წანეფს მუშენდჷ მაგურაფალო. 1917–1918 წანეფს რდჷ მოსკოვს დო პეტროგრადის. 1914 წანას გიშმურს გალაკტიონ ტაბიძეშ ლერსეფიშ მაართა კათელი, ნამუქჷთ ართუცფას ქიმკიჭოფჷ ჯარალუაშ თოჸუჯი დო დიდი პოპულარალა მოუღჷ დო 1919 წანას გიშაშქუმალირი "არტისტული ყვავილები"-ქ ავტორს "გენიალური გალაკტიონიშ" დო "პოეტეფიშ მაფაშ" ჯოხო მოუღეს. 1919 წანაშე ოხორანდჷ დო მოღალენდჷ ქართის. 1922-1923 წანეფს გიშმაშქვანდჷ "გალაკტიონ ტაბიძეშ ჟურნალს". 1924 წანას თინა რდჷ ჟურნალი "მნათობიშ" ართ-ართი დჷმარსხუაფალი. 1935 წანას პარიზის ოკათუდჷ ანტიფაშისტური კონგრესის.
უდიდაშ პოპულარობაშ დო პატიჩამაშ უმუკუჯინუო, პოეტიქ რინა შურიელი ხვალახობათ მუკორთჷ. თექ ირფელქ მუში ნოქური ქიგიოხუნუ თიშ აკოქიმინჯალასჷთ ნამუქუთ პოეზიას ახალ შურდგჷმა, გოშხვანერაფილი რიტმი, მიარეფერობუა და მუში სისქვამე მეუძინჷნ.
გალაკტიონქ დოღურჷ 1959 წანაშ 17 მელახის. "პოეტეფიშ მაფაქ" რინა დუდიშ ჸვილუათ გათჷ.