![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6e/Lake_Bolsena_from_Montefiascone.jpg/640px-Lake_Bolsena_from_Montefiascone.jpg&w=640&q=50)
ბოლსენაშ ტობა
From Wikipedia, the free encyclopedia
ბოლსენა (იტალიურო Lago di Bolsena) — ვულკანური გორჩქინაშ კრატერული ტობა ცენტრალურ იტალიას, ნამუქჷთ იფორმირჷ 370 000 წანაშ წოხოლე ვულზინიშ ვულკანურ კომპლექსის, წყარიმიშმაკათაფალ ჰორიზონტის მოხვალამირი კალდერაშ კოლაფსიშ მოღალუთ. ჯვ.წ. 104 წანაშო, რომალული ინნაჭარეფი მიოწურუანა ვულზინიშ ვულკანიშ აქტივობაშე, მუშ უკულით თიქ ქჷდირულუ. კალდერაშ კოლაფსიშ უკული გჷშაჭანაფილი წყარიშთუდონი ეშაგორგოთეფიშ გეშა ტობას ობჟათე ნორთის ჟირი კოკიქ წჷმიქიმინჷ.
ბოლსენა Lago di Bolsena | |
---|---|
![]() | |
კოორდინატეფი: 42°36′00″ ოორ. გ. 11°56′00″ ელ. გ. | |
სიგინძა | 13 კმ |
სიგანა | 11 კმ |
ფართობი | 113,5 კმ² |
მაქსიმალური სიტომბა | 150 მ |
ღანჩოშ ფართობი | 159,5 კმ² |
გჷშმალი წყარმალუ | მარტა |
ტობა ედომუშამო აკმინაზირუ წყარიშმიშმაკათაფალ ჰორიზონტიშე, ჭვემაშ წყარით დო ლანქერეფით, თიშე ხვალე ართი ნადუ გიშმურს, ობჟათეშ ნორთიშ კჷრდეშე. ტობაშ ელჷ-მოლს დვალირ დოხორალეფშე, ბოლსენაშა ინმურს დოწიმდორაფილი წყარეფი, უმოსო ინორჩხილი სასუქეფი. თიშ უმკუჯინუო, ნამდა ტობაშ მუკი-მუკის დვალირ სადგიმეფშე კონწარო იკონტროლებუ წყარიშ ქიმიური აკოდგინალუა.