აშდოდი
From Wikipedia, the free encyclopedia
აშდოდი (ურიულ.: אַשְׁדּוֹד (აუდიო) (?·i); არაბ. اشدود, إسدود Isdud) — ნოღა ისრაელს, სქირონაშქა ზუღაშ წყარპიჯის, თელ-ავივშე ობჟათეშე 30კმ-იშ მეძენას.
ბიწორი ფაქტეფი
ნოღა
|
კილუა
ნოღა შანულამი რეგიონალური ოხერეჭე ცენტრი რე. აშდოდიშ ონიშოლი უკაბეტაში რე ედომუშამ ისრაელს დო ნთელი იმპორტიშ 60% თე ონიშოლშე მიშმურს. აშდოდიქ დირსხჷ 1956 წანას, მარა ნოღაშ სტატუსი ხვალე 1968 წანას მიაჩჷ.
თაშნეშე აშდოდის იდვალუაჷ ისრაელიშ ოურდუმე ოზუღე ნძალეფიშ სუმი ბაზაშე ართ-ართი. თეხანური აშდოდიშ აბანს მაართა ხორუა ითარიღებჷ ჯვ. წ. XVII ოშწანურათ, ნამუთ ნოღას მოსოფელიშ ართ-ართი არძაშე უჯვეშაშ ნოღათ გჷნმართინუანს. აშდოდი 30-შა რე მიშინაფილი ბიბლიას (სინოდურ თანგუას — აზოტ). შხვადოშხვა პერიოდის ნოღას ოხორანდჷ ფილისტიმიარეფი, ურიეფი, ბიზანტიალეფი, ჯვაროსანეფი დო არაბეფი.