არუნაჩალ-პრადეში (ჰინ. अरुणाचल प्रदेश [ərʊˈɳaːtʃəl prəˈdeːʃ], ინგლ. Arunachal Pradesh) — რეგიონი ინდოეთიშ ოორუე-ბჟაეიოლს, ნამუსჷთ შტატიშ სტატუსი უღჷ. ნანანოღა დო უდიდაში ნოღა — იტანაგარი. ჯოხოდვალა "არუნაჩალ-პრადეში" სანსკრიტშე გჷნითანგუაფუ მუჭოთ "გვალეფიშ სინთელეთ მოწყარილი დიხა", სოდე "პრადეში" შანენს "ოლქის", "დიხას". მახორობა — 1 382 611 ადამიერი (27-ა აბანი შტატეფს შქას; 2011). რეგიონი, ინდოეთის დო ჩინეთიშ ოკათე რესპუბლიკას შქას ოდებელი ტერიტორია რე (ქძ. ობჟათე ტიბეტი).
| ქიანა |  ინდოეთი |
| სტატუსი | შტატი |
| ადმინ. ცენტრი | იტანაგარი |
| შხუ ნოღა | იტანაგარი |
| მადუდე | გუბერნატირი: ჯოგინდერ ჯასვანტ სინგჰი თარი მინისტრი: ვაკანტური რე |
| ოფიც. ნინეფი | ადი, ნიში, მონპა |
| მახორობა (2011) | 1 382 611 (27-ა აბანი) |
| მეჭედალა | 16,51 კოჩი/კმ² |
| ფართობი | 83 743 კმ² (14-ა აბანი) |
.svg) | |
| აბრევიატურა | IN-AR |
| კოდი ISO 3166-2 | IN-AR |
| ოფიციალური ვებ-ხასჷლა | |
| არუნაჩალ-პრადეში |
უცხოარეფშო თე რეგიონშა მიშულა რეგლამენტირაფილი რე.
გეოგრაფია
შტატიშ ტერიტორიაშ ფართობი — 83 743 კმ² (14-ა აბანი).
შტატის რთუნს წყარმალუ ბრაჰმაპუტრა, ნამუთ მოხჷრჷჩანს ტიბეტიშე, გჷშმურს ჰიმალაის დო აკმოქჷმინჷნს ფართე ლეხერს დაბალ გვალონას, მუშ უკულით, მეურს ასამიშ შტატის, მიშმურთანს ბჟადალი მალობათ.
შტატიშ ოლქეფი წყარმალუეფიშ ლეხერეფს უხუჯანს — ბრაჰმაპუტრაშ ნოჸელეფი, ბჟადალშე ბჟაეიოლშა, წყარმალუეფი შტატიშ ტერიტორიას გჷნმოკვათჷნა, ნამუთ ტერიტორიას რთულას გინაულარო გინმართინუანა.
- ბჟადალს წყარმალუ კამენგიშ მანგას იდვალუაფუ გეჸვენჯი ოლქეფი: ტავანგი წყარმალუშ ჟიდონი მალობას ობჟათეშე, ბჟადალი კამენგი დო ბჟაეიოლი კამენგი.
- წყარმალუ სუბნცირიშ ღანჩოს იდვალუაფუ გეჸვენჯი ოლქეფი: კურუნგ-კუმეი (კურუნგიშ დო კუმეიშ ბჟადალი ნოველაშ მანგას, პაპუმ-პარე, ჟილენი სუბანცირი, გიმენი სუბანცირი.
- წყარმალუ სიანგიშ ლეხერს (ნამუთ ბრაჰმაპუტრაშ თარი ნოველათ იკოროცხუ დო ნამუთ ოდუდეს ტიბეტის იკეთენსი) იდვალუაფუ გეჸვენჯი ოლქეფი: ჟილენი სიანგი, ბჟადალი სიანგი, ბჟაეიოლი სიანგი.
- წყარმალუ დიბანგიშ ლეხერს იდვალუაფუ გეჸვენჯი ოლქეფი: დიბანგიშ ჟილენი ლეხერი, დიბანგიშ გიმენი ლეხერი.
მაჟირაჸურე, წყარმალუ ბრაჰმაპუტრაშ ბჟაეიოლშე, დო უკული ობჟათეჸურე, ოლქეფიშ შხვა ბუნა იდვალუაფუ.
- წყარმალუ ლოჰიტიშ ლეხერს იდვალუაფუ გეჸვენჯი ოლქეფი: ლოჰიტი, ანჯავი.
- ობჟათეშე, წყარმალუ დიჰიტიშ ლეხერს იდვალუაფუ ჩანგლანგიშ ოლქი.
გვალეფს, ხოლო უმოსი ობჟათეშე, იდვალუაფუ გეჸვენი ოლქეფი: ტირაპი დო ლონგდინგი.
სქოლიო
რესურსეფი ინეტრნეტის
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
