![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/81/Belvedere_Vienna_June_2006_010.jpg/640px-Belvedere_Vienna_June_2006_010.jpg&w=640&q=50)
ავსტრიაშ ტურიზმი
From Wikipedia, the free encyclopedia
ტურიზმი ავსტრიაშ ეკონომიკაშ შანულამ ნორთის აკმადგინანს, ქიანაშ ედომუშამი დინოხოლენი პროდუქტიშ დახე 9%-ს.[1] 2007 წანაშ სამანგიშე, ტურისტეფიშ მუდანობა დახე ართმანგი რდჷ ზარხულს დო ზოთონჯის, პიკის ფურთუთა/მარაშინათუთას მიოჭირინდუ..[1]
![](http://upload.wikimedia.org/wikipedia/commons/thumb/8/81/Belvedere_Vienna_June_2006_010.jpg/640px-Belvedere_Vienna_June_2006_010.jpg)
2007 წანას, ავსტრია მა-9 აბანს რდჷ ოერეფოშქაშე ტურიზმიშე მეღებული მუშნაველიშ მეჯინათ დო თე მაძირაფალქ 18,9 მლრდ ააშ დოლარი აკადგინჷ.[2] ტურისტეფიშ მუდანობათ ავსტრია 20,8 მილიონით მა-12 აბანს რდჷ.[2] ტურისტების უდიდეს ნაწილს, როგორც ზამთარში, ისე ზაფხულში, ვენა იზიდავს.[1] ვენასთან შედარებით, ზალცბურგი ტურისტების მეხუთედს იზიდავს.
ავსტრიას ვიზიტი უმოსო იკათუანს ტურს ვენას, მუში ოკათედრე ტაძარიშ მოძირაფას დო ვალსეფიშ მუსიკაშ კონცერტის. ღირებული რე სუმარუა ზალცბურგის, მოცარტიშ ოდაბადურ ნოღას, ალპეფით მუკოხურგილ ტიროლიშ ნანანოღა ინსბრუკის, დუნაიშ ბინეხეფამ ლეხერს, მაგალითო ვახაუს. ქიანაშ ბჟადალ ნორთის, ფორარლბერგიშ აკანს რე კონსტანცაშ დო ნოიზიდლერიშ ტობეფი. ავსტრიაშ სუმი არძაშე მოძირაფონი ოქინაფუ რე: შენბრუნიშ დოხორე (2 590 000 მაძირაფუ წანამოწანას), შენბრუნიშ ზოოპარკი (2 453 987 მაძირაფუ წანამოწანას) დო მარიაცელიშ ბაზილიკა (1 500 000 მაძირაფუ წანამოწანას).[3]
უდიდაში ტურისტული შანულობა უღუ ავსტრიაშ ოთხილამურე, კუჩხით ოშარალუ დო ალპინიზმიშ კურორტეფს ალპეფს, თეში მუჭოთ ოფანიე-ომაჸალე რეკრეაციულ არეალეფს. იგივეშ რაგადი შილებე ავსტრიაშ მიარერიცხუან ტობეფშე ხოლო.
მედიახელუანობას დაინტერესებულეფშო, ნოღა ლინცის რე Ars Electronica-იშ ცენტრი. 1979 წანაშე, ცენტრი ატარენს ფესტივალს (Ars Electronica Festival), სოდეთ გომორძგვილს ხვადუ მოსოფელიშ მედიახელუანობაშ უმაღალაში ჯილდო Prix Ars Electronica.