重子
From Wikipedia, the free encyclopedia
重子(Baryon)指标准模型理论里,由三隻夸克组成个複合粒子(包括三隻反夸克组成个“反重子”)。遵守费米-狄拉克统计搭泡利不相容原理。重子搭介子(由一隻夸克搭一隻反夸克组成)合称强子。
顶常见个重子有得组成日常物质原子核个质子搭中子,比箇两種粒子更加重个重子叫超子。质子是唯一独立稳定个重子。中子假使弗搭别样中子或者质子一淘组成原子核个说话就弗会得稳定,要衰变。
六種夸克(上u、下d、异s、粲c、顶t、底b)里向,上、下质量顶小,异、粲、顶、底较大。2017年欧核中心发现一種两隻粲夸克、一隻上夸克个重子,质量大约是质子个四倍。