西亞
亚洲西部 / From Wikipedia, the free encyclopedia
西亞,或稱西南亞,指亞洲个西南部,搭中東交關部份有得重合。不過,中東是塊定義弗清个區域,包含非洲國家埃及,而西亞嚜是純粹个地理學名詞,表示亞洲个西南端,人口約3.3億人。
经纬度定位为东经74度56分到东经26度16分;北纬43度34分到北纬12度35分。
西亞大致相當於傳統所謂个「中東」搭「近東」,後兩者儕是以距歐洲个遠近來稱呼个,而弗是依地帶在亞洲个所在來稱呼。在國際組織(特別是聯合國)搭印度、澳洲等比中東位置更東个國家,較偏好使用「西亞」昰隻名詞,因爲「中東」昰個傳統个名詞會得讓人有歐洲中心主義个感覺。在文化搭政治地理學裏向,中東有辰光也包括北非搭南亞西部个國家,特別是阿富汗、巴基斯坦搭埃及。
聯合國擔土耳其搭外高加索國家(喬治亞、亞美尼亞、亞塞拜然)也包含在西亞裏向。不過,昰些國家亦垃拉亞洲搭歐洲相接个地帶,且搭後者有社會搭政治丄个關連。土耳其个領土垃歐洲搭亞洲之內。阿拉伯世界(包含整個阿拉伯半島)个亞洲部份畀謳作「馬什里克」。