台州話
From Wikipedia, the free encyclopedia
台州话(国际音标:/tʰe33 tɕiǝu33 ɦua13/,罗马字:T'e-tsiu wa)是吴语个地方话,是浙江东南沿海城市台州市人讲个话,佢个音、詞、語法許都搭普通话无数堂地不样。临海话南台、北台个特色都有带牢,貤架临海历史上是台州府城所在,怪是讲临海话做台州片方言个代表。不过台州话个变化也大险,各个县市讲话也无数不样。台州窎角之故,蛮多吴越语个古音有所保留。
广义上个台州话包括临海话、黄岩话、仙居话许,用个人有500多万,等吴语人数个11.6%,貤好分做南台片、北台片。南台包括临海、黄岩、椒江、路桥、温岭、玉环、乐清(清江以北)、仙居(东南部朱溪等乡镇)、永嘉(岭头乡),语音接近北吴太湖片,代表是临海话搭温岭话;北台包括三门、天台、仙居、宁海(西店摸南)、象山(南田、鹤浦、石浦许乡镇)、磐安(方前许乡镇),代表为天台话。南北两片通话一粒难,南片个黄岩、椒江、路桥、温岭许接近点。