天台宗

天台宗，漢傳佛教十宗之一，創立於南北朝末期，是漢傳佛教當中，頂早一個統由漢地佛教論師所創立个本土性宗派。因爲實際開創者智顗大師常駐浙江天台山，蓋咾貤䜒天台宗。後首來畀日本僧人最澄傳到日本，也成著日本頂重要个佛教宗派之一。

天台宗以《妙法蓮華經》爲根本經典，注重修行止觀，重視佛敎敎理个研究，同時結合爻止觀个實際修行，以「敎觀雙美」咾聞名。

吳越天台宗祖庭在浙江天台山國清寺，日本天台宗總本山則爲比叡山延曆寺。