馬達加斯加

马达加斯加共和国（马拉加斯语：Repoblikan'i Madagasikara [republiˈkʲan madaɡasˈkʲarə̥]，法文：République de Madagascar）简称马达加斯加，老底子叫马尔加什共和国，是一个非洲东南部近海个印度洋岛国，包括马达加斯加岛（世界第四大岛）搭仔周边交关多小点个岛，首都是塔那那利佛。冈瓦那超大陆勒早侏罗纪解体过后，马达加斯加岛勒差弗多8800万年前头从印度板块分裂，当地个原生动植物所以勒相对隔离个自然条件下头演化。马达加斯加也成为仔生物多样性热点地区，90%个野生动植物侪是马达加斯加独有个。但必过，岛浪多样化个生态系统搭独特个野生动植物种类也越来越受着增长穷快个人口侵占个威胁。