西藏南路隧道

西藏南路隧道，是勒拉上海黄浦江高头个一座公路隧道，一开始是畀2010年上海世博会专用个。勒拉2011年2月1号22点开始，隧道正式向社会车辆开放。^[1]

概况

西藏南路隧道是南北走向，北岸勒拉黄浦区，南岸勒拉浦东新区，拢总长2.67公里，双向四车道，设计时速40公里。^[2]

主线北面勒拉黄浦区西藏南路中山南路口，南面勒拉浦东新区高科西路云莲路口。西藏南路隧道拉浦西有龙华西路匝道，拉浦东有雪野路、浦东南路两组匝道。

2009年7月11号下半夜开始，碰巧打浦路隧道勒拉全封闭大修，西藏南路隧道当中先建好个东线临时畀公交车辆开放双向通行，畀原来勒拉打浦路隧道开个几条公交线路开^[3]。2010年1月4日，公交车恢复打浦路隧道通行。^[4]

勒拉世博会个辰光，隧道只畀世博园区里个车子跑，不对社会车辆开放。2011年2月1号22点开始，隧道正式向社会车辆开放。2月2号开始，新开个中国馆班车3线走箇条隧道，方便游客参观世博会中国馆个续展。9月25号开始，又新开個中国馆班车4线走箇条隧道，连接世博浦东搭浦西园区，方便游客参观月亮船(原来个世博会沙特馆)搭仔上海世博会纪念展。

参考资料

1. 西藏南路隧道向公众开放 (zh). 原始文档勒2023-01-26存档. 访问日脚2023-01-26.
2. 西藏南路世博隧道“双龙竞发” (zh). 新闻午报 (2007-09-30). 访问日脚2009-12-31.^{[链接坏脱]}
3. 西藏南路隧道东线竣工 每小时可供7万人过江 (zh). 解放日报 (2009-07-11). 原始文档勒2010-03-29存档. 访问日脚2009-12-31.
4. 沪打浦路老隧道明年1月4日起暂通公交 社会车辆禁行 (zh). 东方网 (2009-12-30). 原始文档勒2015-05-13存档. 访问日脚2009-12-31.