西安

西安市，是關中盆地個城市，陝西省首府，也是中國西北頂頂大個城市。立在上古到中古辰光，有交關地方邦國或者大一統帝國拿此地作為首府，弗過立在五代十國之後因為環境推板搭周邊鄰國威脅，所以地位下降。弗過，一直保持軍事要塞地位。1949之後重新開始大建設，得到交關從沿海強制遷移過來個企業搭人才，乃朝有六百多萬人，是中國西北個中心城市，弗過近幾年本地人口東流也蠻嚴重。