上海虹橋國際機場
From Wikipedia, the free encyclopedia
Remove ads
上海虹桥国际机场（英文：Shanghai Hongqiao International Airport，IATA代码：SHA；ICAO代码：ZSSS），勒拉中国上海市长宁区、闵行区。运营中国大陆国内航线及部分港澳台搭日韩等航线，大部分国际航线嚜，由上海另外一个机场——上海浦东国际机场负责。
虹桥机场分为一号航站楼搭二号航站楼，跑道勒两个航站楼当中。一号航站楼为老航站楼，勒拉长宁区；二号航站楼为新航站楼，勒拉闵行区，大部分航空公司勒二号航站楼。2015年，虹桥国际机场旅客输送量超3900万人次，货邮输送量逾43万吨位，侪位列中国大陆第六。[1]
历史
虹桥机场始建于1921年3月，该年北洋政府航空事务处拟定京沪航空线时，始筹画航线勒上海个机场。最初曾选址吴淞，后选中上海县搭青浦县个267亩土地作为上海航空站。1921年3月10号机场动工，勒拉同年6月底完成。但因经费弗足，机场未能通航。1929年5月，交通部沪蓉航空管理处选定虹桥机场作为上海航空站，同年7月开航，并于8月开通上海至南京航线。1934年4月再次征地扩建，1931-34年间为欧亚航空公司枢纽机场。
1937年8月9号发生虹桥机场事件，是为淞沪抗战导火线之一。日军占领上海后，将虹桥机场作为军用机场使用并扩建跑道。日本投降后曾由中华民国空军接管，后于1946年11月5号由中国航空公司接收，同年12月畀定为国际入境机场。1947年8月行政院决定担虹桥机场定为民用机场。后直属于交通部民用航空局。
1949年5月24号，中国人民解放军占领机场，后作为军用机场使用。1950年5月中共中央华东局开始进行虹桥机场重建工程。1963年11月国务院批准虹桥机场扩建为国际民用机场，扩建工程勒1964年完工，隔手勒拉当年5月开通中国-巴基斯坦航线。1972年2月17号，空军撤离虹桥机场。[2]
1984年3月，上海虹桥机场候机室工程再度扩建，同年9月30号扩建工程完工。扩建后个候机室，使用面积比老底子扩大了一倍。1988年，上海民航进行重大体制改革，实行政企分开，机场搭航空公司分营，上海虹桥机场从同年6月25号起成为独立个经济实体。1988年12月，上海虹桥机场候机室第三趟扩建，于1991年12月26号完工。
勒上海浦东国际机场建成之前，虹桥机场一径是中国大陆最繁忙个机场。机场扩建前，拥有跑道搭滑行道各一条，跑道（现第一跑道）长3400米、宽57.6米，停机坪约48.6万平米，共有66个机位，候机室占地8.2万平方米，拥有15个候机大厅、18个贵宾室搭15条行李传输系统。扩建后，第二跑道勒2010年3月11号、第二航站楼于同年3月16日建成启用，[3] 但要记牢，两只航站楼之间弗直接连通，乘客勒两个航站楼间往返需要借助短驳车、地铁10号线或其他公交线路。
2006年开始，虹桥国际机场二号航站楼作为虹桥交通枢纽计画个一部分开始进行建设，工程按照计画要求个2010年上海世界博览会前建成个目标，末脚勒2010年3月16号完成并投入使用。[4]
2014年11月6号起，虹桥国际机场一号航站楼进行史上最大规模个改造，大约模勒2017年底完成改造。
Remove ads
交通
1号航站楼
虹桥1号航站楼站站台
1号航站楼个出租车候车区搭公交站台
轨道交通
地面公共交通
- 公交线路
- 807路（虹桥机场1号航站楼—清涧新村）靠近1号航站楼国内达到3号门
- 1207路（虹桥机场—上海动物园）
- 机场免费摆渡车
- 虹桥机场航站楼摆渡车（虹桥机场1号航站楼——虹桥机场2号航站楼）
2号航站楼
虹桥机场2号航站楼垃拉虹桥综合交通枢纽内。虹桥综合交通枢纽是集合民航、铁路、地铁、巴士、长途巴士等交通工具为一体个综合交通枢纽。渠“面向全国，服务长三角”个目标让虹桥2号航站楼个接驳交通十分便利[5]。
轨道交通
虹桥2号航站楼站垃拉航站楼西侧个东交通中心个B1F搭B2F层，有2号线、10号线经过。2号线搭10号线各拉北南设有独立个站厅，互弗联通。2号线列车运行区间为徐泾东—广兰路—浦东国际机场。10号线列车个运行区间为虹桥火车站—新江湾城，往航中路站方向个乘客需拉龙溪路下车换乘往新江湾城—航中路方向个列车。
地面公共交通
- 机场免费摆渡车
- 虹桥机场航站楼摆渡车（虹桥机场1号航站楼——虹桥机场2号航站楼）
Remove ads
参考文献
外部连结
参见
Wikiwand - on
Seamless Wikipedia browsing. On steroids.
Remove ads