葡萄

葡萄又稱提子，是葡萄屬（Vitis）个一種常見落葉木質藤本植物，是漿果類水果。葡萄可以生喫，顏色美、有香氣、味可口。

葡萄頂早个人工栽培歷史開始在6000–8000年前个近東地區。>葡萄酒在人類文化當中占重要地位，頂早个考古證據畀發現在格魯吉亞地區，辰光可以追溯到8000年前。^[1]^[2]

歐洲葡萄起源於地中海、黑海搭里海沿岸。5000年前敘利亞、埃及、伊拉克、南高加索，搭中亞細亞等地全有得栽培。後首往西沿地中海傳到西歐，往東傳到東亞。栽培最多个國家爲西班牙、意大利、蘇聯搭法國；其次爲土耳其、葡萄牙、阿根廷、羅馬尼亞搭美國等。中國主產區在新疆，約占全國栽培面積30％以上。