臺灣

台湾（英文：Taiwan）^{[1][2][3][4][5]} 勒到亚洲个东部、太平洋西北边啷向个一座岛屿，面积约36,188平方公里。^[6] 台湾自1945年（中华民国34年）起即从未间断地拉中华民国个主权范围里向。

卫星图像

名称由来

台湾个名称由来，其中南台湾原住民西拉雅族个“Taian”或“Tayan”，是“外来者”个意思；荷兰时期叫台湾“Taioan”，伊个音译用汉字转写就是“大员”、“台员”、“大湾”或者“台窝湾”，搿些名称原本是指现在台南安平地区边啷向一带，后来嘞叻日治时期，慢慢叫演变为侪部岛屿个名称。另外日本嘞古代个辰光称呼台湾高砂、高砂国。

另一讲法是台湾嘞叻明代个汉人移民，大部分侪是从福建渡过台湾海峡来个，搿条海峡有黑水沟之称，天气海流海象让早期移民渡海交关烦难，九死一生，来台湾后也可能因为水土弗服、病疫传染而死亡，呒没办法生还故乡，噶咾用“埋冤”做此地个地名，本生是纪录先民艰辛开垦个情状，后来因为名字勿哪哼吉利，就改成台语（闽南语/河洛话）发音一样个“台湾”。

台湾又可以叫“福尔摩沙”，嘞叻16世纪，搿辰光个葡萄牙船嘞经过台湾海面个辰光，水手从海上远望台湾，发现台湾岛邪气美丽，噶咾伊拉高呼“Ilha Formosa！”，嘞叻葡萄牙语当中，“Formosa”为‘美丽’之意，“Ilha”为‘岛屿’之意，故翻译为美丽之岛，因此“福尔摩沙”取葡萄牙语“Formosa”音译而来，嘞叻1950年代前是欧洲国家对台湾个主要称呼。

台湾正式名称为“台湾”，而“台”为正体字，但与“台”通用，现今民间与媒体多用“台湾”，嘞部分官方文件中使用“台湾”。