From Wikipedia, the free encyclopedia
耶稣会(西文:Compañía de Jesús),是罗马天主教会下头一个传教修会,乃朝个总部来勒罗马。
耶稣会是一群西班牙贵族立在天主教精神下头建立个,建立背景是当时闹猛个宗教改革。1534年,依纳爵·罗耀拉搭沙勿略等西班牙贵族到巴黎个蒙马特高地宣誓,成立耶稣会。1540年,教宗保罗三世批准了伊拉个申请,从此之后,耶稣会开始传教活动。
耶稣会个主张侪是针对宗教改革个,所以具有强烈个传教意识。伊拉个修士弗同于老早西多会,本笃会,弗主张出世修行,强调参与政治、外交、殖民、贸易等活动。来勒对东方以及美洲个传教活动当中大放异彩,取得了交关成就。
16世纪中期,沙勿略来到葡萄牙个殖民地果阿,以此地为基础,缓慢向印度大陆、日本以及明朝辰光个中国进行传教活动。沙勿略来勒日本个活动取得爻惊人个成功,交关日本大名全皈依天主教,到17世纪初德川幕府闭关锁国之前,日本个天主教徒已经达到总人口个十分之一哉。
来勒中国,耶稣会个活动也带来深远个影响,杰出个耶稣会传教士利玛窦拿天主教意搭当时辰光西方个科学技术结合,自家貤学习著儒家读书人欢喜个交往方式,慢慢打开了明朝读书人对外部世界个认识。来勒江南,利玛窦结识了徐光启,两人个交往带来西学东渐,也打开著传教大门。到17世纪30年代,中国已经有数十座教堂哉。
来勒美洲,耶稣会也异常活跃,伊拉通过宗教影响当地个印第安人搭移民。来勒巴拉圭,伊拉还建立著一只半独立个宗教国家。一径延续到1767年。
进入18世纪之后,耶稣会个传教互动来勒全球范围内开始衰落,西班牙殖民者对耶稣会神父弗听伊拉号令个做法相当弗开心,来勒1767年将伊拉驱逐。东方情况也弗乐观。日本搭满清个闭关锁国让耶稣会失去了传教个空间。18世纪末,教宗解散了耶稣会。
19世纪后,耶稣会畀重新建立。后头跟牢法国个殖民扩张,开始继续传教事业。弗过从迭个辰光开始,耶稣会再也恢复弗到老早重要个地位哉。
耶稣会对欧洲搭东亚全带来著邪气深远个影响。来勒欧洲,耶稣会提倡华丽个弥撒,参与政治活动,有效限制著新教个扩张。来勒亚洲,耶稣会带来西方个思想,畀著东亚知识分子交关大个触动。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.