真菌

真菌，又稱菌物界，是真核生物裏向个一大類群，包含酵母、黴菌之類个微生物，及最爲人熟知个菇類。真菌自成一界，與植物、動物搭原生生物相區別。真菌搭其他三種生物頂大弗同之處嚜，真菌个細胞有含幾丁質爲主要成分个細胞壁，而植物个細胞壁咾主要是由纖維素組成。卵菌搭黏菌、水黴菌等在構造丄搭真菌相似，但儕弗屬於真菌，而是屬於原生生物。研究真菌个學科稱爲真菌學，通常畀視爲植物學个一個分支。但事實顯示，真菌啊動物之間个關係咾要比搭植物之間更加親近。

真菌

雖然真菌遍及全世界，但大部分个真菌弗顯眼，因爲佢拉體積小，而且佢拉會生活在土壤裏向、腐質上、以及與植物、動物或其他真菌共生。部分菇類及黴菌可能會在結成孢子个辰光變得較顯眼。真菌在有機物質个分解中扮演著極重要个角色，對養分个循環及交換有著基礎个作用。真菌從老裏老早就畀當做直接个食物來源（像菇類及松露）、麵包个膨鬆劑及發酵各種食品（像葡萄酒、啤酒及醬油）。1940年代後，真菌亦畀用來製造抗生素，乃朝咾，交關酵素是由真菌所製造个，並運用在工業丄向。真菌亦畀當做生物農藥，用來抑制雜草、植物疾病及害蟲。真菌中个交關物種會產生有物活性个物質，稱爲黴菌毒素（像生物鹼搭聚酮），對包括人類在內个動物有毒。一些物種个孢子含有精神藥物个成份，畀用在娛樂及古代个宗教儀式上。真菌可以分解人造个物質及建物，並使人類及其他動物致病。因真菌病（如稻熱病）或食物腐敗引起个作物損失會對人類个食物供給搭區域經濟產生交關大个影響。

真菌各門个物種之間無論是在生態、生物生命周期、及形態（從單細胞水生个壺菌到巨大个菇類）儕有得交關大个差別。人類對真菌各門真正个生物多樣性了解得少透少透，預估約有150萬-500萬個物種，其中畀正式分類个咾衹有約5%。自從18、19世紀，卡爾·林奈、克里斯蒂安·亨德里克·珀森及伊利阿斯·馬格努斯·弗里斯等人在分類學上有仔開創性个研究成果之後，真菌便已依其形態（像孢子顏色或微觀構造等特徵）或依生理學給予分類。在分子遺傳學丄个進展開啟了擔DNA測序加入分類學个道路，箇有辰光會挑戰傳統依形態及其他特徵分類个類群。最近十幾年來在系统发生学丄个研究已幫助真菌界重新分類，共分爲一個亞界、七個門、及十個亞門。