江苏历史

江苏地域是中华民族诞生个摇篮之一。三千年来，经济文化都处于中国个前列。江苏省会南京号称六朝古都，十朝都會，做過十二個朝代个都城，一直被視為中華正朔。「無錫」作為吳文化个發源地，「蘇州」作為吳文化最為代表城市，名揚海外。而境内个扬州、徐州勒历史高头也曾经是各割据政权个首都。

名称由来

清朝康熙六年（公元1667年）,江南省分为「江苏（包括上海）」搭安徽，江苏（包括上海）始建省，省名取江宁府脱苏州府名第一字为江苏。箇就是江苏名称的由来。

上古时期

勒上古时代，江苏南部远离华夏古文明个中心陕西、河南，山西等，有着异于华夏古文明个文化。黄淮、江淮一带地区是古代民族淮夷个家乡。苏锡常地区属跨湖桥-马家浜-松泽-良渚-马桥文化。（参见：跨湖桥文化、马家浜文化、松泽文化、良渚文化、马桥文化。）南京，鎮江地区属湖熟文化。

中国傳說歷史里向个华夏始祖，五帝之一帝尧。传说出生勒三阿个南面（今江苏高邮县西北或天长市高邮湖区附近）。^[1]

周朝时，江苏脱中原地区个接触增多，勒江苏南部兴起了吴国 （定都姑苏，乃朝苏州），是春秋五霸之一。后吴国被越国所灭。越灭吴后一度迁都琅玡，后因琅玡被齐国攻破，迁都姑苏（乃朝苏州市）。

春秋战国

春秋末期，吴国勒国王寿梦辰光成为强国，勒前484年击败来勒乃朝山东个北方强国齐国，称霸中原。前473年，吴国被来勒乃朝浙江北部个越国所灭，前333年，越国又被西面个强国楚国所灭，最终秦国勒前221年消灭所有对手，形成统一个中国。

秦朝，西楚搭汉朝

• 秦汉之际，项羽曾以此西楚为国号，号称西楚霸王，但未正式称帝。 西楚以今朝江苏淮安楚州为中心，范围大概是今苏北搭皖北;而最大城市彭城（今江苏徐州市）以东到海被称为东楚；楚国历史上个中心，江陵到寿春被称为南楚。楚汉之争后项羽失败自刎，汉朝建立。

• 汉初勒江浙一带设立同姓诸侯国荆国，后“上患吴会稽个轻惮”（汉高祖刘邦害怕吴地、会稽个人不服从渠个皇权），于是派遣刘濞为吴王，统治（或者说镇压）今朝江苏淮河以南搭浙江大部分地区。（实际上刘濞统治会稽郡、丹阳郡、广陵郡个大部分地区）然而刘濞狼子野心，后来渠发动七国之乱，叛乱失败后逃往勒拉今朝浙江省温台地区个东瓯国，然而东瓯惧于汉朝压力杀了刘濞，刘濞个儿子又逃往勒拉今福建省个闽越国（东越国），并且鼓动闽越王进攻曾杀害渠父亲个东瓯。后东瓯畀闽越所灭，汉朝帮助东瓯移民迁勒江淮之间个庐江郡（今朝属安徽）。

六朝

三国辰光，江苏南部属吴国 (222年－280年)。中部搭北部属曹魏。317年，西晋遭受北方游牧民族侵略，汉族 贵族逃亡到江南，勒建康(今南京)先后建立起东晋搭随后个4个朝代 (南朝，420年－589年)。江北地区则成为南北进行拉锯战个场所，时而属于南方，时而又属于北方。

参考文献

1. 帝尧传说出生于三阿之南. 原始文档勒2013-01-01存档. 访问日脚2018-05-05.