徽州是吳越歷史丄个一個行政區，於宋宣和三年（1121年）由歙州改名而來，下轄歙縣、黟縣、休寧、祁門、績溪、婺源六縣，治所在歙縣。元升爲“徽州路”，明清爲“徽州府”。1987年徽州地區改名爲地級黃山市，徽州行署同時改爲黃山市政府。繼民國38年婺源縣改隸江西省後，重要屬縣績溪縣改隸宣城地區。目前徽州雖然已弗是行政區劃，但因歷史原因搭六縣間相近个文化認同，有部分人士希望恢復徽州个行政地位[1]。
現在“徽州”一詞除脫指“徽州區”外，更加多指个是具有共同歷史、文化搭語言，歷史上長期由徽州（徽州路、徽州府）所轄个歙縣、績溪、休甯、祁門、黟縣搭婺源六縣區域。
徽州是徽商个發祥地，明清時期徽商稱雄中國商界500餘年，有“無徽弗成鎮”、“徽商遍天下”之說。徽州文化也成爲中外學者重點研究个中華三大地域文化之一，包含以徽劇、徽菜、徽雕搭新安理學、新安醫學、新安畫派、徽派篆刻、徽派建築、徽派盆景等文化藝術形式。在原徽州區域內，旅遊資源邪氣豐富，擁有兩處世界遺產，兩座國家歷史文化名城，三處國家級風景名勝區，一處國家級自然保護區，一處世界地質公園，二處國家地質公園，三處國家森林公園搭十處全國重點文物保護單位，三處中國歷史文化名街。
關於徽州昰兩隻字，從地名角度去解析，存在三種含義。
- 第一種指个是1987年建立地級黃山市以後劃歙縣地新成立个縣級市轄區徽州區，但此名稱僅僅停留在行政層面，在民間多以徽州區政府駐地岩寺鎮稱之（即使在徽州區當地居民心中交口中貤是昰然）。
- 第二種指个是作爲明清時期徽州府轄境个含義，昰個是標準意義丄个徽州，弗存在任何質疑搭困惑，最嚴謹个含義。以明清而計，徽州府轄境爲今地級黃山市（黟縣北部柯村鄉、美溪鄉搭宏潭鄉除外、祁門縣安淩鎮除外、黃山區僅限南部湯口鎮）、績溪縣全境、婺源縣全境。
| 府縣 | 治所 | 今轄境 | 隸屬關係 |
|---|---|---|---|
| 徽州府 | 今歙縣徽城鎮 | 二級政區。徽城鎮自唐武德四年（622年）始成爲州治 | |
| 歙縣 | 今歙縣徽城鎮，嘉靖三十四年（1555年）前府縣同治 | 今歙縣、徽州區、黃山區湯口鎮搭黃山風景區，及今績溪縣个坦頭、大源、金坑搭溪頭鄉部分鄉村，今屯溪區屯光鎮篁墩村、休寧縣璜尖鄉、浙江淳安縣中洲鎮紮源村 | 始皇二十六年（西元前221年）置，屬鄣郡，本州首縣 |
| 休寧縣 | 今休寧海陽鎮 | 今休寧縣（璜尖鄉、板橋鄉搭花橋鄉除外）、屯溪區（屯光鎮篁墩村除外） | 漢建安十三年(208年），分歙縣西鄉地置縣，隸本州 |
| 黟縣 | 今黟縣碧陽鎮 | 今黟縣（黃山山脈以北个柯村鄉、美溪鄉搭宏潭鄉除外） | 始皇二十六年(西元前221年）置，屬鄣郡，隸本州 |
| 績溪縣 | 今績溪華陽鎮 | 今績溪縣（坦頭、大源、金坑搭溪頭鄉部分鄉村除外） | 唐永泰二年（766年）析歙縣華陽鎮置，隸本州 |
| 婺源縣 | 今婺源紫陽鎮 | 今婺源縣（含休寧縣板橋鄉搭花橋鄉） | 唐開元二十八年（740年），析休寧縣回玉鄉搭鄰縣樂平个懷金鄉置，隸本州 |
| 祁門縣 | 今祁門祁山鎮 | 今祁門縣（西北部安淩鎮除外） | 唐武德五年（622年），析黟縣搭饒州鄱陽二縣各一部置，隸本州 |
- 第三種嚜聯繫了當今時代發展搭行政區劃隸屬關係，簡言之，弗單單包含最爲嚴謹个徽州府含義（即第二種），還包括了1949年之後就劃屬徽州專區（地區）管轄个原安徽省太平縣，太平縣在1983年合併歙縣黃山鄉（今湯口鎮）、石台縣廣陽鄉（今廣陽鎮）及黃山風景區管理局（今黃山風景區管委會）三者成立了以原太平縣城甘塘鎮爲中心个縣級黃山市，到了1987年成立地級黃山市个辰光，縣級黃山市降爲黃山市黃山區。故而第三種含義應當指地級黃山市、績溪縣、江西婺源縣。
徽州屬《禹貢》“揚州”之地。春秋辰光屬吳國，句踐滅吳後屬越國。戰國後期屬於楚國。秦漢時置歙縣、黝縣，屬會稽郡。南朝時設置新安郡，隋朝改歙州，治所在歙縣。宋宣和三年（1121年），在平定方臘之亂後，擔歙州改名爲“徽州”，屬於江南東路。元升爲“徽州路”。明清爲“徽州府”，治所仍在歙縣，下轄歙縣、黟縣、休甯、祁門、績溪、婺源六縣。康熙六年（1667年）擔江南省分爲安徽省搭江蘇省，徽州府屬安徽。
1912年，民國廢府，各縣由省直轄，“徽州”弗再作爲行政區劃名稱。1934年，婺源縣劃歸江西省，1947年劃回安徽，1949年仍劃歸江西。
1949年設徽州專區，專署駐屯溪，轄屯溪市及歙縣、旌德、績溪、休甯、祁門、黟縣6縣。其後轄境屢有變動。1970年改稱徽州地區。1987年11月27日，撤銷徽州地區，設立地級黃山市，原縣級黃山市改爲黃山區，並設立黃山市徽州區，以歙縣、休寧縣各一部分爲其行政區域。
徽州地區垃拉皖南山區，群山環抱，北面是黃山，東南是天目山，其它著名山峰有歙縣東北部个清涼峰（海拔1787米），祁門縣境內个牯牛降（海拔1728米），垃拉婺源與休寧交界處个大鄣山（海拔1629.8米）、婺源西南部个鳳遊山（海拔675米）、休甯西北部个白岳齊雲山（海拔585米）等。錢塘江个上游新安江發源於休寧，直通杭州。
徽州傳統文化歷史悠久，底蘊深厚。在建築、雕刻、繪畫、篆刻、盆景、編織、書版、理學、醫學等諸多領域取得重要成就。
自南唐及兩宋以來，徽州商人就在中國个貿易活動中佔有重要地位，畀稱作“徽商”。明清時期，徽商更是遍及全中國，並有得“無徽不成鎮”之說。獲得巨額財富个徽商們積極資助故里个文化、教育搭建設事業，形成了徽州“官商學一體”个發展體系。
- 中國“文房四寶”中个徽墨、歙硯、汪筆、澄心堂紙儕出於此。
- 國粹京劇，是起源於徽州个地方劇種——徽劇。
- 徽菜——中國八大菜系之一
- 新安畫派
- 新安醫學
- 宋明理學
- 徽派建築：徽州各鎮鄉村均遍佈有大量歷史街巷搭古代建築，其中民居、祠堂、牌坊畀稱作爲徽州建築三絕。徽州个民居選址注重風水，裝飾精美且富有文化氣息，代表性个有黟縣宏村、西遞（已畀列爲世界文化遺產），徽州區个潛口搭呈坎村等。徽州个祠堂搭牌坊也各具特色，最著名个有棠樾石牌坊群、許國石坊、羅東舒祠等，規模宏偉、雕樑畫棟，儕屬國家級文物。
徽語
徽語是一種分佈在徽州地區（新安江流域及周邊以古徽州府爲核心个區域）个一種漢語方言，又叫徽州話，在相當長个一段辰光裏向畀認爲是一種吳語方言。但是由於徽語并無濁音，而濁音是吳語个重要特徵之一，乃末徽語從吳語中獨立出來，畀認爲是與吳語、粵語、贛語等地位平等个方言。搭吳語一樣，古徽州話保留了交關个古音因素，大大區別於北方个官話方言，且有豐富个連讀變調。
徽州话个代表音是歙县话，但是由於行政中心个变迁，歙县话个地位逐渐畀屯溪话所取代。徽州方言内部差异较大，所谓“六邑之语弗能相通”。徽语可以大致分为五隻片区，即绩歙片、休黟片、祁德片、严州片搭旌占片。徽语个使用人口大约400多万。
- 语系：汉藏语系-汉语族-徽语
- 语言代码：ISO639-1 chi(B) zhu(T)
新安理学
新安理学是程朱理学个正宗流派，箇是因为程朱理学个创始人及主要贡献人程颢、程颐及朱熹个籍贯儕是徽州篁墩。新安理学个核心是“伦理纲常”，并积极倡导“穷理之要，必在於读书”、“天理为义，人欲为利”、“正其义不谋其利，明其道理不计其功”以及“修内政"，"攘夷狄"”个思想，对徽州个经济文化发展产生了交關大个影响。
古代徽州文風鼎盛，人文薈萃。書院、社學林立，自唐代以來所出進士有2081人，其中徽州所轄休寧縣爲中國狀元第一大縣。徽州地區曾經湧現過多位文化界个傑出人士，如作家張潮、汪道昆、章衣萍，語言學家戴東原，畫家漸江和尚、黃賓虹搭教育家陶行知等。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
