哈马斯

哈马斯（حركة المقاومة الاسلامية ，伊斯兰抵抗者组织）是一个由巴勒斯坦人组成个政党，伊搭交关弗赞同搭以色列和解，乃朝也拥有自家个武装力量，坚持要以武装斗争达到恢复巴勒斯坦国个既定目标。

2006年1月25号，哈马斯赢仔2006年巴勒斯坦立法委员会选举|巴勒斯坦立法委员会选举，属于巴勒斯坦解放组织个法塔赫变成少数党。1月26号，哈马斯勒垃巴勒斯坦第二次立法委員會选举中拿着132個席位里向个74席（56%），原来个执政党法塔赫只拿着45席（34%）。3月28号，巴勒斯坦立法委員會宣布，哈馬斯个新政府組建方案通過^[1]。但是，法塔赫主席阿巴斯拒绝承认箇趟选举结果，再加上美国布什总统支持^[2]，伊想拿哈马斯政府解散脱重新选举，结果双方爆发武装冲突^[3]。

自从2007年加沙战争以来哈马斯事实浪是控制着加沙地带，搭以色列交战呒宁，经常刺杀以色列人，攻击犹太人定居点。据以色列国防军情报，伊搭曾勒垃2000年至07年里向勒加沙制造425起恐怖个事体^[4]。故咾伊畀一星国家认为是恐怖组织，必过联合国弗认为伊是恐怖组织，认为伊只是只抵抗组织。