剛果河

剛果河（剛果語：Nzadi Kongo，林加拉語：Ebale Kongó，斯瓦希里語：Mto wa Kongo，法語：Fleuve Congo）是非洲中西部頂長個河，全長4640公里（源頭按謙比西河算），排勒全非洲第二位，第一是尼羅河，是世界浪第九長個河。剛果河流域面積達到401萬平方公里，按流量算個說話，剛果河是僅次於亞馬遜河個世界第二大河，平均流量達到4萬立方米每秒以上，歷史最大流量曾經有8.1萬立方米每秒。^[1]幹流流經贊比亞、剛果民主共和國、剛果共和國搭安哥拉。剛果民主共和國搭剛果共和國個名字儕是從剛果河來個。1971年到1997年期間，剛果民主共和國叫扎伊爾，當地語言中意思是「河」，當時該國政府叫該條河「扎伊爾河」。

剛果河浪個日出

參考

1. 世界江河数据库 档案，存勒互联网档案馆当中。（2013年10月22号），中国水利合作与科技网，2010年8月10日查阅。