馬紹爾群島（英语：Marshall Islands），正式名称为马绍尔群岛共和国（马绍尔语：Aolepān Aorōkin M̧ajeļ），是勒拉北太平洋个島國。马绍尔群岛是密克罗尼西亚岛群个一部分，土地面積为181平方公里，人口爲68,480人，分散定居勒由1,156个岛屿组成个34个珊瑚环礁浪向。搭之勒海丄相邻个地区分别是北面个威克島，南面个瑙鲁，西面个密克罗尼西亚联邦搭东南面个基里巴斯。人口頂多个环礁为马朱罗，貤为马绍尔群岛个首都。
公元前两千年橫裏，密克罗尼西亚人陸陸續續到马绍尔群岛定居，伊拉借助由木棒编织个浮网勒岛屿间航行。欧洲人勒16世纪20年代发现马绍尔群岛，西班牙探险家阿隆索·萨拉萨尔勒1526年8月勒海丄向看到迭一环礁。随后其他西班牙搭英国探险家也陆续发现了迭隻岛屿。马绍尔群岛个名称源自英国探险家约翰·马绍尔。1874年，马绍尔群岛成为仔西属东印度群岛个一部分。1884年迭些岛屿出售畀德国，并勒1885年成为德属新几内亚个一部分。日本勒第一次世界大战中占领脱马绍尔群岛，并勒1919年由国际联盟擔其正式移交畀日本，马绍尔群岛乃末受日本南洋厅管辖。第二次世界大战中，美国勒吉尔伯特及马绍尔群岛战役中占领仔该群岛。战後，马绍尔群岛搭其他太平洋群岛一淘受美国治理个太平洋群岛托管地管辖。1979年马绍尔群岛实现自治，并于1986年交美国签署《自由联合协定》而获得独立主权。
马绍尔群岛是一个总统制共和国，并搭美国达成自由联合关系。美国提供马绍尔群岛个国防、资金搭社会服务。由於岛丄向天然资源并弗丰富，马绍尔群岛个经济依赖於服务业以及部分渔业搭农业。其国内生产总值个老大一块来自美国个援助。马绍尔群岛采用美圓作为货币。马绍尔群岛个大多数公民具有马绍尔血统，小部分移民来自菲律宾及其他太平洋岛屿。马绍尔群岛个两种官方语言是马绍尔语搭英语。几乎全体国民信仰宗教，约四分之三个国民加入联合基督教会 - 马绍尔群岛公理会（UCCCMI）或神召会。
1885年，德國佔領馬紹爾群島，屬德屬新幾內亞保護，一次大戰辰光畀日本佔領，後由日本託管。
1944年，美國攻佔馬紹爾群島，戰後聯合國委由美國託管，成為太平洋群島託管地其中一區。
1946年至1968年間，美國建立太平洋试验场，有曾勒馬紹爾群島丄進行多達66趟个核試驗。
1979年，馬紹爾群島否決脫《密克羅尼西亞聯邦憲法》公投，自行成立自治政府搭準備建國。
1986年，搭美國簽訂《自由聯合條約》，同年10月21日宣布獨立。
1991年，聯合國終止美國託管，接納馬紹爾群島共和國為會員國。
馬紹爾群島共總有29座環礁及5座偏遠島嶼，地理上分為東面个拉塔克（日出）島鏈搭西面个拉利克（日落）島鏈。海拔平均高度2公尺。[1]全國三分二人口住勒馬久羅搭伊拜（Ebeye）兩個環礁个島丄。
馬紹爾群島朆正式劃分行政區，但可分為26個立法選區（legislative districts）。
國內約有6萬人，以漁業搭農業為主，海域內富有鈷殼搭錳結核等資源，魚產豐富。出口貨品主要為冷凍魚、椰子產品及加工品搭土產个手工藝品等。
主要進口項目：食品、機械設備、燃料、一般民生用品、菸草
主要進口來源：美國、日本、澳大利亞、紐西蘭、新加坡、斐濟、中国、菲律賓
主要出口項目：椰子油、椰乾餅及手工藝品、魚
主要出口市場：美國、日本、澳大利亞、中國
主要港口及自由貿易區：Majuro Island、Majuro Atoll
勒拉首都馬久羅个馬紹爾群島國際機場是主要機場。
馬紹爾群島迄今搭全球79個國家保持正式外交關係，美國、日本、中華民國勒馬紹爾群島設有大使館，菲律賓、以色列、土耳其勒馬紹爾群島設有榮譽領事，馬紹爾群島也搭美國、日本、斐濟、中華民國設置大使館。
海外个馬紹爾群島公民若然嘸沒大使館个地區需要急難救助，可以向當地个美國大使館提出協助，美國大使館會提供馬紹爾公民搭美國公民相同个對待。
与中国关系
中华人民共和国曾在1990年11月搭马绍尔群岛建交，但因1998年11月20日馬紹爾群島转而承认中華民國，搭中华人民共和国斷交，馬紹爾是中華民國乃朝22個邦交國之一。
與美國關係
馬紹爾群島畀美國託管近40年，至今仍搭美國關係密切。
馬紹爾群島使用美圓，各種現代商品儕相當依賴美國進口。根據《自由聯繫條約》規定，馬紹爾群島軍事防衛任務交畀美國執行，國民也可參加美國軍隊。另外，馬紹爾群島國民也可自由進出美國搭在美居住、就業交就學，無需簽證（但犯事者可畀美國驅逐）。馬紹爾群島个對外郵政由美國郵政負責，郵資也根據美國標準，寄往帛琉（帕勞）、密克羅尼西亞聯邦、美國各州、屬地搭軍事外交駐地个郵件儕按國內郵資計算。
《自由聯繫條約》也規範美國對馬紹爾群島政府个各項財政支援，以及美國陸軍租借Kwajalein環礁个條件咾啥。因為各項个支援搭撥款項目，美國對馬紹爾群島个事務主要由內政部个島嶼事務辦公室（而非國務院）負責。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
