馬六甲海峽

馬六甲海峽（馬來語：Selat Melaka；印尼文：Selat Malaka）是東南亞一個海峽，勒拉馬來半島南邊、蘇門答臘島个北邊，西面連勒印度洋个安達曼海，東面連勒太平洋个南海，由於迭條海峽距離馬來半島个古代名城馬六甲比較近，「馬六甲海峽」嚜由此得名。渠既是世界重要水道，但也是一條比較狹長个海道。由於馬六甲海峽是歐洲、亞洲、非洲同大洋洲航道个十字路口，是太平洋搭印度洋个要緊通道。尤其是西太平洋沿岸國家，要往非洲、南亞得西亞壗頭去板定要經過箇場，迭條海峽貤畀歐洲人話成功「遠東个十字路口」。

馬六甲海峽示意圖

概況

馬六甲海峽

海峽全長1100km（計入新加坡海峽）；而寬度方面，西北邊寬，東南邊狹。西北邊頂寬个場許好到三百多幾公里，而東南邊頂狹處窄衹有大約模37公里，看上去像煞隻大喇叭。而水深就有得25——27米。由於海峽勒拉赤道地區附近，告咾風平浪靜辰光海流較緩。而海底比較平，基本浪嘸沒啥淺灘搭暗礁響度，20000t級輪船好通過箇場。而海峽兩旁邊个地勢比較平，而且森林比較多，熱帶風光。

經濟

馬六甲海峽个東面有新加坡迭一世界大港，海運邪氣繁忙。每年有得10幾萬艘船（大多數是油輪）經過歇。而日本從中東壗頭買石油个言話，大多數全是從箇場運轉去日本國內个。

有關書籍

• 中国少年儿童百科全书 自然·环境 第216页　浙江教育出版社 ISBN 7-5338-1946-2/G·1942
• （2004年2月）小学館（編） 编：日本大百科全書，スーパーニッポニカProfessional　Win版．小学館．ISBN 4099067459．
• 大矢雅彦・中村洸（2004）．“マラッカ海峡”，小学館（編） 编：日本大百科全書，スーパーニッポニカProfessional　Win版．小学館．