From Wikipedia, the free encyclopedia
长兴岛是勒拉吳越长江入海口处个冲积岛，现面积88平方公里，本地人口约3.6万人，全岛即上海市崇明区长兴镇个行政区域。
长兴岛浮出水面，最早成型勒明崇祯十七年（1644年），清道光二十二年（1842年）形成功瑞丰沙（原名崇宝沙）、潘家沙、鸭窝沙。光绪六年（1880年）形成功石头沙、圆圆沙。民国十六年（1927年）形成功金带沙。
清道光二十四年（1844年）鸭窝沙开始围滩造田。
但直到1960--1970年间，长兴六沙通过整体个堤岸工程，连成一体，成为乃朝个长兴岛。长兴岛个经济主要以农业为主，2008年，中船集团擔旗下4家企业整体搬迁至长兴岛，长兴岛将成为中国頂大个造船基地。2007年官方个宣传已经擔长兴岛定义为“海洋装备产业岛”哉。
长兴岛勒民國辰光开始开发，人口大部分是勒民国时期迁入，早期以渔民为主，靠打渔以及收割野生芦苇为主要产业。后有部分已经生根个家族围堤屯田，逐渐形成仔农业。中华人民共和国成立以后，浦东部分渔民迁入，配置耕地，迭部分人畀当地人謳作“新农民”。
长兴岛个生活风习、语言习惯甚至血统也基本搭崇明、横沙岛同源。 三岛语言就是崇明言話，渠搭宝山个方言（嘉定言話）有明显个区别。崇明言話个发音有老重个喉音、鼻音搭胸腔共鸣，多开口音，弗像宝山话有明显个齿音和舌尖音。三岛由於交通弗便，各方面自有其独立性，受外界影响少，告咾保留仔不少古风。
譬如話，三岛推崇寄亲（认過房亲），箇是邪氣典型个岛屿文化，为之通过迭种方式，使得嘸沒血统联系个人好形成仔一个亲眷关系，由于岛屿交通弗便，迭能好图个互相帮助、突发急事辰光有個照应。
长兴岛个产业也历经变化，从早期个渔业、天然作物收割到农渔、养殖业结合，挨下來又根据土壤气候条件勒80年代开发仔柑桔特产及搭之相关个观光农业，到進瑲把定义个海洋装备产业。截止到2007年底，长兴岛个外来人口已经超过8万，是本地人口个两倍多，而根据有关部门个规划，还将进一步吸纳外来务工人员，使人口总数达到15万～18万橫裏。
长兴岛个主要对外交通方式为船舶，客流量頂大个船舶码头为勒拉岛南侧中部个马家港码头。目前规划中个上海轨道交通19号线将随著上海长江隧道延长到长兴岛。天气好个辰光，立勒岛南侧海滩就好肉眼观测到对岸个浦东新区。
_docks_at_a_harbor_on_Changxing_Island_2.jpg)
中船集团自2005年起建设长兴造船基地。长兴造船基地一期内建成功三条造船生产线，分别是上海江南长兴造船有限责任公司（主营民用船舶）、上海江南长兴重工有限责任公司（主营民用船舶）、江南造船（集团）有限责任公司（民用及军事船舶），以及一家船舶配套企业中船江南重工股份有限公司。[1]
此外，长兴岛上另有中海长兴修造船基地搭振华重工长兴基地。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
