纳瓦拉王国

纳瓦拉王国(西班牙文：Reino de Navarra)是欧洲西南面伊比利亚半岛高头存在过个一个君主制国家。伊个前身是再征服运动当中，巴斯克人建立个潘博诺娜王国，立在824年，正式改组成纳瓦拉王国。立在中世纪后势来个阶段，迭个国家逐渐搭莱昂-卡斯蒂亚王国联系紧密。1512年，正式并入西班牙王国。弗过，依然保留自家个议会搭边界。西班牙王位继承战争之后，波旁王朝个费利佩五世拿此地个权力侪废脱，只保留一个空名号。到19世纪，王国正式消失。乃朝纳瓦拉王国个领土，立在西班牙搭法国境内。西班牙境内，多数属于纳瓦拉自治区搭巴斯克自治区。法国境内个巴斯克人基本遭到法式推普个同化。