From Wikipedia, the free encyclopedia
穆斯林是回教信徒个称呼，从阿拉伯语“مسلم”音译得来，意思是顺从个人。[1]
穆斯林个习俗搭回教邪气相关，信了回教，就搭老早自家个文化脱离联系哉。伊拉自家有一套中世纪以来没哪能变过个生活体系，让其他非回教个居民感到弗大适应。
穆斯林弗欢喜搭教外人结婚，欢喜族群内部通婚。外人假使想搭穆斯林结婚，箇么就必须加入回教，伊拉个子女也必须是回教信徒。
穆斯林根据古兰经，可以一夫多妻，男性地位老高，女性成年后必须裹面纱，衹好露出来两隻眼乌珠。
来勒穆斯林要死脱个辰光，伊拉个亲属要来勒伊拉身边念清真经语。等到伊停止呼吸后，要顺其肢体，合其眼睛，闭其齿口，整理容发，理展四肢，用一块干净宽白布盖住亡人全身，放勒宽敞通风个地方。
伊斯兰教经典规定死脱个穆斯林“三日必葬，葬必从俭”。非穆斯林禁止看亡者尸体，只有穆斯林好看，即使侬是迭个穆斯林个亲属，只要侬自家弗是穆斯林，也弗允许。
下地之前，穆斯林弗允许宴客，弗允许披孝，弗允许烧纸祭奠。葬埋程序大体有备殓、浴礼、殡礼、埋葬、坟墓五个方面。
穆斯林根据古兰经搭圣训个要求，弗允许吃自然死脱个动物，弗允许吃猪肉，弗允许吃血汤，还有交关鱼类也弗好吃，所以穆斯林国家能够吃个物事邪气少。基本高头只好吃牛、羊肉搭烤馕，迭个饮食习惯也是从巴尔干到西安个穆斯林共同口味个来源，即希腊菜。
穆斯林来勒世界高头人数增长邪气快，个中原因多种多样。中东地区个增长来自医疗条件改善，西欧国家穆斯林人口个增长搭偷渡、高福利有相当大个关系。现在世界个穆斯林人口已经超过13亿，来勒几十个国家里向是绝对多数。
穆斯林原则高头弗过所在地传统文化个节日，弗过由于历史原因，来勒一些地区还有一些妥协。穆斯林个节日侪来自古兰经里向个记载，包括阿舒拉节、开斋节、宰牲节、古尔邦节等，侪是搭阿拉伯人相关个。
穆斯林个禁忌邪气多，所以搭伊拉讲言话个辰光要注意，老容易"冒犯”伊拉个。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
