歙县
From Wikipedia, the free encyclopedia
歙县垃拉吳越安徽省东南部，是黄山市下属个一個县。歙县自公元前221年秦始皇推行郡县制置县始，统领徽州幾千年，为徽州首县，1986年畀授予国家历史文化名城称号。2006年畀安徽省列为12隻享有省辖市部分经济社会管理权限个试点县市之一。
秦代即置歙县，先後属会稽郡、丹阳郡、新安郡等。隋灭陈後，设歙州，治所在歙县。北宋徽宗辰光，平定方腊之乱後，擔歙州改名为徽州。元设徽州路，明清时为徽州府。自隋至近代，歙县作为徽州首县，就一徑是徽州地区个政治、经济搭文化中心。1988年，原徽州地区撤地设市（黄山市），擔歙县西部地区析置徽州区。
下辖13镇，15乡：
- 镇：徽城镇、许村镇、深渡镇、溪头镇、岔口镇、霞坑镇、北岸镇、街口镇、桂林镇、富堨镇、郑村镇、王村镇、杞梓里镇。
- 乡：坑口乡、金川乡、昌溪乡、三阳乡、长陔乡、小川乡、雄村乡、上丰乡、武阳乡、森村乡、石门乡、璜田乡、绍濂乡、狮石乡、新溪口乡。
歙县群山环抱，北部为黄山，东部为天目山，东南为白际山，中部为徽州盆地。最高峰为天目山清凉峰，海拔1787米。[1]
全县儕属新安江水系，有得练江、渐江等支流。
歙县是徽墨、歙砚个主要产地。
歙县还是黄山毛峰茶、徽州贡菊、黃山綠牡丹个主产地之一。
歙县是国家历史文化名城，有深厚个历史文化积淀，保留有众多文物古迹。现歙县个县城徽城镇就是原来个徽州府城。有两山横亘城中，擔古城一分为二：东为古歙县附郭城，畀群山环抱，状似半月；西为古徽州府城，面对练江，地势开阔。城郭为明代所建，目前仅存数座门楼搭部分城墙。除脫县城，各古村如渔梁村、棠樾村、北岸村等遍布有大量历史街巷搭古代建筑，其中民居、祠堂、牌坊畀称作为徽州建筑三绝。徽州个民居选址注重风水，装饰精美且富有文化气息。祠堂搭牌坊也各具特色。
在歙县境内个全国重点文物保护单位有得6处：徽城镇个许国石坊、渔梁坝、长庆寺塔；郑村镇个棠樾石牌坊群搭郑村郑氏宗祠；许村镇个许村古建筑群；雄村乡个竹山书院；昌溪乡个员公支祠、昌溪周氏宗祠。
在歙县境内个安徽省文物保护单位有得26处：[2]
- 徽城镇个新安碑园石刻、渐江墓、太平桥、南谯楼、圣僧庵壁画、新州石塔、方士载宅、东谯楼、曹氏二宅；
- 郑村镇个棠樾古民居、郑村忠烈祠坊、黄宾虹故居、贞白里坊、稠墅牌坊群；
- 坑口乡个方春福宅；
- 街口镇个张林福宅；
- 富堨镇个丰口四面坊；
- 桂林镇个殷尚书坊及大司徒坊；
- 北岸镇个潘氏宗祠、吴氏宗祠、风雨廊桥、天心堂；
- 三阳乡个敬本堂；
而市级、县级个文物保护单位嚜更加多。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
