明朝
中国一朝代 / From Wikipedia, the free encyclopedia
明朝(公历1368年1月23号—1644年4月25号)是中国历史丄个朝代之一,拢总十六代皇帝,两百七十六年。开国皇帝是明太祖高皇帝朱元璋,末代皇帝是明思宗烈皇帝朱由检。居个朝代是趁元朝末期农民起义个辰光兴起个,灭在满族人手里向(但是亦有流亡政权在中国南方活动,譬如南明、明郑,朝鲜国也担渠场自望成功明朝个藩属国)。国家领土伉今朝个汉地十八省差弗多,并伉今东北地区有军事机构奴儿干都司。居个朝代是汉人建立个压末只朝代。在明朝个辰光,皇帝个权力交关集中,原本实行著蛮多年数个丞相制度,在明朝废脱。盖咾专制也是家常便饭。明朝按照理学治理国家,妆八股取士,对外战略收缩,对内加紧汉化西南地区土著民族。明朝个首都在北京顺天府,当时亦讴京师;陪都是南京应天府,是顶早辰光个首都。
更多信息 中国历史系列文章 ...
关闭
明朝辰光吴越在行政、商业方面全受著打压,造成功苏州咾排场许个居民畀渠强制移民到凤阳搭江淮地区。同时为供给明朝个首都顺天府。吴越貤每年提供大部分维持大一统帝国个漕运粮饷。吴越老百姓承受个税赋,是在整个明朝当中顶顶高个。弗过,因为吴越官僚在文化高头个优势,文化搭经济重心也一直在吴越。造成空谈搭弗务正业个文人成为迭个辰光个时代主流。