徽語
From Wikipedia, the free encyclopedia
徽語(亦稱徽州闲話)是一类分佈拉新安江流域及周邊以古徽州府爲核心區域个漢語方言。徽語曾經来拉相當長个辰光裏向,畀認爲是吳語个一個方言;《中國語言地圖集》出版後,佢開始畀承認是漢語中一種獨立方言,但關於其歸屬至今仍有爭議。有觀點指出來,徽語與吳語、閩語共同起源於古代江東方言,現代徽語分化於吳語,吳語與徽語可畀視爲同屬一個方言大區。吳語本是皖南地區土著方言,皖南方言早期應是蘇南與浙西吳語个延伸,而徽語乃是其中之南片受贛語影響所形成个一種特殊方言。[1]學者指出,徽語中朆見有特色鮮明个共同標識,搭鄰近个吳語及贛語相較,徽語兼具兩者特色,如聲母系統接近贛語,而韻母系統則與南部吳語接近。 總體而言,徽語是歷代中原漢人个漢語吸收融合仔徽州土著山越个語言而形成个一種獨特方言。明清以來,周邊方言(吳語、贛語)个影響亦使徽語个表現力得以增強、內部分歧加大,舊時徽州闲話以歙縣縣城話爲代表音,乃朝咾由於行政中心个變遷,屯溪話成爲徽州闲話代表音。徽州闲話保留了很多个古音因素,搭北语差別大,搭吳語一樣,徽語个強迫式連讀變調是另外一隻異於北语个顯著特徵。[2]
事实速览 徽語, 母语戶蕩 ...
徽語 | |
---|---|
母语戶蕩 | 中华人民共和国 |
使用戶蕩 | 吳越錢塘江上游舊徽州府、嚴州府及部分饒州府,約12個縣;今黃山市轄下地區,江西景德鎮市東北部地區搭浙江西北部建德市一帶 |
幾許人講 | 320萬人(日腳不详) |
語系 |
漢藏語系
|
閑話代碼 | |
ISO 639-3 |
czh |
关闭