奥地利
From Wikipedia, the free encyclopedia
奥地利,德文名Österreich("东国"),欧洲大陆当中区域个一个共和国,官方语言是德文。首都维也纳。奥地利搭欧洲中部蛮多国家接壤,包括:捷克,斯洛伐克,匈牙利,斯洛文尼亚,瑞士,列支敦士登,德国。同时,南面还搭意大利接壤。
奥地利立在历史浪是哈布斯堡家族统治中欧搭神圣罗马帝国个核心区域,维也纳也是哈布斯堡家族长期经营个京城,有邪气丰富个历史氛围搭文化背景。奥地利个主要宗教是天主教,也是古典音乐顶顶繁荣个见证所在。
乃朝,奥地利是一个共和国,实行偏向内阁制个半总统制,2015年欧洲难民危机以来,奥地利成为重灾区,导致极右翼个奥地利自由党进一步扩张支持率。