天安門廣場
From Wikipedia, the free encyclopedia
天安门广场是北京市中心个一只城市广场,是世界浪顶大个几只城市广场之一。因为对准仔明清故宫皇城个南门天安门城楼前头,所以叫该个名字。广场个北面有國旗个旗杆,每日天出太阳搭太阳落下去个辰光侪有升旗搭降旗儀式。天安門廣場浪向有馬路、毛澤東紀念堂、搭仔地鐵車站。天安門廣場是中華人民共和國建國過後拆脫老底子個胡同造出來個。每年天安門廣場儕有交關多個大事體,像閱兵、升旗禮該種。
根據《北京市戶外廣告設置管理辦法》,天安門廣場地區搭仔東面、西面100米範圍當中禁止擺戶外廣告。經過天安門廣場個公共汽車車身浪也弗好有广告。所以勒天安门广场浪向,除脫節日辰光個政治標語,基本浪看弗見廣告標語。