大阪站

大阪站（日文：大阪駅〔大阪驛〕／おおさかえき ^{Ōsaka eki}），勒拉日本大阪府大阪市北区，是西日本旅客铁道(JR西日本)个火车站，也是日本关西地区最大城市大阪市个代表车站。

大阪站每天个使用人次，算进出检票闸口个人次个言话，单算JR各线路有85万人次（2004年度），排勒全日本第3位。

东海道本线是箇站个所属线^[1]。箇埭还有大阪环状线，拢总2条线路停箇站。尼崎站作起点个福知山线会得直通到箇站。

根据JR西日本自家设定个爱称线路名，京都方向是“JR京都线”、神户方向是“JR神户线”、宝塚方向为“JR宝塚线”，旅客导览丄用个侪是伊拉个爱称线路名。

直通大阪环状线个樱岛线（JR梦咲线）、关西本线（大和路线）、阪和线（关西机场线）个直通列车也来勒箇站到发。