From Wikipedia, the free encyclopedia
喀山（俄语拉丁化：Kazan'），是俄罗斯鞑靼斯坦共和国个首都搭最大个城市。按照俄罗斯2010年个人口调查，此地居民有1,143,600人，是俄罗斯第八大城市。喀山来勒俄罗斯个欧洲部分，地理位置好，正好挨牢伏尔加河搭卡赞卡河个交汇处。喀山个历史文化邪气丰富悠久，现在搭首都莫斯科、旧都圣彼得堡一道，属于俄罗斯仅有个三座A级历史文化城市。
.svg)
“喀山”名稱来源弗是老明确，有种讲法是来自保加利亚语或者鞑靼语当中个一个词“qazan”，意思是锅炉或者大锅，另说可能源自鞑靼语当中个“qazğan”，是垄沟个意思。
早期关于喀山个记录相当少，按照公认个观点，现在个喀山是来勒术赤国个辰光，鞑靼人来勒15世纪中浪建立个。
另外一种讲法认为喀山是突厥保加利亚人建立个，按照迭个理论，此地个创立辰光大概来勒11世纪到13世纪中浪，
喀山顶古老个村庄是11世纪修造个喀山克里姆林宫。从11世纪开始，此地被伊斯兰化，成为回教地区。
1438年，喀山个统治者从金帐汗国独立出来，自家成立一个回教游牧国家，就是所谓个喀山汗國。喀山成为伊拉个首都。是一个纬度顶高个回教城市。搭其他回教城市一样，此地保持典型个内亚传统，巴扎是重要个商业中心，喀山人搭中亚个突厥人联系密切，经常到莫斯科去抓奴役，压迫俄罗斯人。
莫斯科大公伊凡四世称帝之后，新成立个俄罗斯沙皇国开始向压迫伊拉交关年数个回教开战。来勒俄罗斯人民个努力下，回教军队节节败退，来勒1552年，喀山围困战后，伊凡雷帝亲自攻下此地，大量穆斯林被赐予应有个惩罚。
之后，俄国来勒此地派遣传教士，传播正教个福音，来勒之后个一百多年辰光内，有交关鞑靼人接受东正教，逐渐搭俄罗斯人融合，有一些人甚至成为俄罗斯后期个贵族。
1708年，喀山成为喀山省个中心。来勒彼得一世前往视察后，此地畀当成功里海舰队个造船中心。来勒19世纪开始个辰光，亚历山大一世建立喀山国立大学搭出版社。拿喀山当成俄罗斯东方学研究中心。1801年，古兰经首次来勒喀山印刷。喀山逐渐成长成一个工业中心，农民纷纷移民到此地，作为产业劳动力。1875年，马拉客车开始出现，1899年修造铁路，开始有有轨电车。1905年俄国革命之后，喀山个回教文化开始复燃。
1917年时，喀山是十月革命个一个中心，二战辰光，喀山畀破坏严重，战后开始重建，并且成为苏联国防工业个中心，主要生产飞机搭坦克。来勒20世纪五十年代，喀山作为工业搭科技中心个地位进一步巩固。1979年，城市人口达到一百万。
.jpg)
1991苏联解体之后，喀山重新成为鞑靼文化个中心，弗过也开始有分离倾向。
此地个人口主要是俄罗斯人（48.8%）搭鞑靼人（47.5%），。第三大民族是楚瓦什人，还有乌克兰族、阿塞拜疆族搭犹太人[1]。逊尼派回教搭东正教是主要个信仰，
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
