函馆市

函馆市（日文：函館市／はこだてし ^{Hakodate shi}），旧称箱馆，是一个垃拉日本北海道南部（道南）渡岛半岛东南龟田半岛上个沿海城市，也是道南个中心城市。渠个东、南、西方分别被太平洋、津轻海峡搭函馆湾包围，现在是中核市。函馆是北海道人口第三多个城市，排拉札幌市搭旭川市后头，是道南区域个行政、经济、文化中心，也是北海道政府个派出机关渡岛综合振兴局个办公室个地方。

函馆市个著名景点。
上左：五棱郭、上右：函馆正教会、中：函馆山夜景 左下：五稜郭塔（日语：五稜郭タワー）、右下：元町八幡坂（日语：函館西部地区の町並み）同函馆港

函馆市个位置

函馆三面是海，自古以来就是优良渔港，渔业同水产加工业一直是当地个主要产业之一，乌贼是箇面有代表性个特产。函馆港是天然良港，也是连接北海道同本州岛个交通节点，还是日本顶顶早同外国通商个港口之一，带来交关史迹，故咾函馆市从2014年开始连续三年排拉日本最具魅力市町村排行榜第一名^[1]。

市名个由来

函馆箇個地名同北海道个大部分地名弗大一样，并弗是从阿伊努语来个。室町时代，1454年（享德3年），津轻豪族河野政通（日语：河野政通）勒拉当时叫“宇须岸”（ウスケシ（us-kes）或者ウショロケシ（us-oro-kes），阿伊努語个意思是「湾岸个尽头」）个小渔村造宅邸。因为箇個宅邸长唻像箱子，故咾叫伊“箱馆”（同“函馆”日语发音一样）作地名^[2]。1869年，虾夷地改名成北海道，“箱馆”也改成“函馆”^[2]。

必过也有认为箇個名字同北海道大多数地名一样，是从阿伊努语来个，认为是从“hak-casi”（浅篱笆）箇個词变化过来个^[3]。

参考文献

1. 地域ブランド調査2016　結果速報～最も魅力的な市は３年連続で函館市。石川県・金沢市が上昇～ (ja). 地域ブランドNEWS. 原始文档勒2017-03-30存档. 访问日脚2017-05-01.
2. 函館市の概要 (ja). 函館市. 原始文档勒2016-09-20存档. 访问日脚2017-05-01.
3. 北海道庁. アイヌ語地名リスト. 北海道庁. 访问日脚2017-08-17.}}

外部链接

维基共享资源里向寻得着搭该篇文章搭界个多媒体资源：

函馆市