ranxhenreye

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

ranxhenreye [f.n.]

1. viye sacwè ki n' sieve pus a rén. Del guere, les comierçants ont likidé tote leu ranxhenreye — Motî d’ Nivele (fråze rifondowe). Ses bidons, ci n' est pus k' del ranxhenreye — Motî del Lovire (fråze rifondowe). Tes espwers, tes djeus d' efant Tes ranxhenreyes Tes moxhons, dj' end a plin m' dos — Ben Genaux (fråze rifondowe). On dit eto: rikete. F. rebut.

2. moncea d' viyès sacwè. Ci n' est k' ene ranxhenreye. F. tas de rebuts, de détritus.

3. sacwè ki n' våt nén grand tchoi. Èn purdoz nén ça: c' est totès ranxhenreyes. Leu botike toûne a rén : i n' ont pus k' del ranxhenreye — Motî d’ Cerfontinne (fråze rifondowe). C' est l' bouneur platezak Ki spite ubén ki chîle, Triviè des cafouyaedjes, Ranxhenreyes, berdelaedjes, A zinguezel di tot (J. Beaucarne). F. pacotille, babiole.

4. djin ki n' våt nén grand tchoi. Il a maryî ene fameuse ranxhenreye — Motî del Lovire (fråze rifondowe). Loukîz a : poûtêye. F. fripouille.

5. nindje di djins (ki n' valèt rén). I n' fåt nén frecanter ces djins la, ci n' est k' del ranxhenreye — Motî d’ Nivele (fråze rifondowe). Il a louwé s' måjhon a ene di ranxhenreye — Motî d’ Cerfontinne (fråze rifondowe). Loukîz a : [[ |rascaye, rascayreye]]. F. racaille, basse classe, gens mal famés. et tote li ranxhenreye et tos les ôtes ki n' valèt nén mî. I gn a longtins k' i gn aveut pupont d' Flaminds, on n' sondjeut ddja pus a les cis k' estént evoye, Espagnols, Burtons eyet tote el ranxhenreye (L. Sohy).