cou-z å hôt

Walon (Rifondou)

Etimolodjeye

Shûte des mots : « cou » + « -z » + « å » + « hôt »

Advierbire

cou-z å hôt (nén candjåve)

1. (mot po mot) li dzeu metou å dzo.
   • Come di jusse, les tcheyires estént rtournêyes cou-z å hôt dsu l' tåve; c' esteut si acostumance — José Schoovaerts (fråze rifondowe).
2. al tere.
   • Il a toumé l' cou-z å hôt.
   • Il avént, l' long del voye, efoncî cwate pikets
     Avou ene plantche dissu k' esteut clawêye après;
     C' est ladsu k' i montént cwand i montént a tchvå.
     Mågré k' c' esteut åjhey, dji m' sovén bén k' on côp
     End a onk k' a cwanlminme rôlé el cou-z å hôt ! — Louis Piron (fråze rifondowe).
3. metou a l' evier.
   • T' as metou t' texhou l' cou-z å hôt.
   • On va co rmete å djoû des papîs tchamossîs
     K’ on ténrè l’ cou-z å hôt, tot fjhant des « mins », des « si », — Jules Claskin, « Airs di flûte et autres poèmes wallons », édition critique de Maurice Piron, 1956, « Pasquèye », 1922, p.108 (fråze rifondowe).
4. metou sins ôre, tot disrindjî.
   • Il ont leyî leu tchambe tote cou-z å hôt.
   • Et portant ! Li viye societé s' aléve ritrover li cou-z å hôt !
   • Li progrès tot passant dzeu nosse cité walonne,
     A flaxhî totavå, rtourné tot l’ cou-z å hôt,
     Distrût nos monumints, disfoncé nost årvô. — Joseph Vrindts, ”Vîx Lîge” (1901), p.141, “Li Trô Bottin” (fråze rifondowe).
5. må, li contråve di ç' k' i fåreut.
   • I fwait tot l' cou-z å hôt.
   • Asteure, avou les noveas reglumint ki nouk ni comprind, tot rote li cou-z å hôt.

Notule d’ uzaedje

Å pus sovint eployî avou årtike:

Alofômes

Sipotchåve voyale (1î pî)	Divanceye voyale	Sipotcheye cogne
li cou-z å hôt	el cou-z å hôt	l’ cou-z å hôt

Mins si pout eto siervi sins.

Sinonimeye

metou sins ôre

• cou dzeu cou dzo

Ortografeyes

Divant 1900 :

• kou-z-â hô : E203 ^(lére)

Après 1900, foû rfondou (Feller, Feller ricandjî, nén Feller) :

• cu au wôt : C1 p. 547
• cu å hôt : S117 a « cu »
• cou-z-å hôt : E1 a « cou », E170 (intrêye a pårt)
• cou a hôt : S0 a « cou »

E rfondou walon :

• cou-z å hôt : R10 ^(lére)

Li mot n’ est nén dins : C13, R13

Ratournaedjes

li dzeu å dzo

• Inglès : upside down ^(en)
• Francès : tête en bas ^(fr)

al tere

• Francès : par terre ^(fr)

ritourné

• Francès : à l’envers ^(fr)

metou sins ôre

• Francès : sens dessus dessous ^(fr)

li contråve di ç' k' i fåreut

• Francès : en contresens ^(fr), en dépit du bon sens ^(fr), de travers ^(fr)