Li Motlî Van Calsteren sol houyreye, ki s' tite, c' est «Hû pol djoû…, motlî walon do houyeu carolo» ("Yû poul djoû..., vocabulaire wallon du mineur carolorégien"), c’ est on motlî walon francès des houyires, sicrît pa Achille Van Calsteren.
C' est purade les mots eployîs do costé d' Tchålerwè.
I fourit eplaidî e 1998, ås edicions do Bourdon pa l’ ALWAC (bråmint apresté pa Jean-Luc Fauconnier eyet Pierre Faulx).
Les desséns tecnikes ont stî fwaits pa Carlo Adam.
Li motlî est rprins sol limero [O104] dins l' djivêye des motîs do walon.
Esplikêye do tite
« Hû pol djoû ! », c’ est l’ criyaedje des tcherbonîs k’ ont fwait djournêye, et ki sont dins l’ cadje, presses a rmonter.
Adjinçnaedje do live
- Coviete : tite avou on bwès da Gustave Camus, saetchî foû di « Dofe », ratournaedje e walon pa Firmin Callaert d’ on live da Henri Deligne.
- p. 1 : coviete divintrinne
- p. 2 : Arimé da Raymond Scohier :
- Si vos pôrîz passer vos dierinnès anêyes
- Å mitan d’ on paxhi, a fé des rigodons,
- Vos roveyrîz vos poennes di tote vo veye passêye
- Vos n’ sondjrîz pus djamåy a fosse ni a tcherbon.
- p. 3 : tåve do ctaeyaedje do live
- p. 4 Mape do royåd al hoye del Walonreye
- p. 5 Adrovaedje e francès sicrît pås eplaideus
- p. 8 a 13 : Racontaedje d’ ene djournêye al fosse (e walon, ratourné e francès vizon vizu)
- p. 15 a 116 : Motlî lu-minme, avou des fotos et des desséns.
- p. 117 : Biyografeye do scrijheu
pådjnés di I. a VI. (pådjes metowes å cminçmint ey å coron do live) : desséns da Jean Wittebroodt
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
