Xhimagrawes (arimés)

Chimagrawes

Xhimagrawes (Chimagrawes), c' est ene ramexhnêye d' arimés sicrîts pa Émile Gilliard, et k' a vudî e 1955.

Boket foû do live

Les noveas omes (p. 38)

Faleut i co k' djel rescontere

Li pôve mivé ki dj' voe tofer

So mi tchmin,

Li pôve mivé k' a måbelair

Avou ses ouys d' ome ki n' tuze nén,

Avou s' vizaedje d' ome ki n' vike waire.

Waitîz l' bouter come ene machene

— On porchinele ki n' a pont d' zine —,

Come ene usteye

K' on tént e s' mwin. N' a nén s' parey

Po esse dacoird avou tolmonde

Peu k' on nel tigne, peu k' on nel djonde.

I laireut hertchî pa l' ovraedje,

I laireut hertchî pa s' vicaedje

Et pa tolmonde, come on vî boû,

K' on moenne al laxhe dins totes les coûs.

Faleut i co k' djel rescontere

Li pôve mivé ki dj' voe tofer

So mi tchmin,

Avou ses ouys d' ome ki n' vike nén.

Dj' a stî po l' atôtchî did près,

Mins c' esteut mi padvant l' muroe.