From Wikipedia, the free encyclopedia
Rasgoutadje des bassårdinrèces
Li Båze di dnêyes di l' Årdene nonnrece u «Rasgoutadje des bassårdinrèces», c' est ene båze di dnêyes rashonnêye pa Lucyin Mahin a cmincî di 1995, avou tos les mots walons di l' Årdene nonnrece.
Li raspepiaedje va disk' a «cassete»; après, ci n' est k' do brouyon, mins k' est co rapontyî tenawete disca enute.
Elle est prezintêye come on motî walon francès. Mins ele pout eto siervi dins des rcweraedjes francès walon.
Li fitchî a stî aprume eplaidî pa bokets tos les moes, di 1995 disk' e 1998, dins ene foye toûnrece, a môde di gazete e walon lomêye "Li Rasgotaedje des bassårdinreces" (Lu Rasgoutadje des basse-ârdinrèces).
Dins ces foyous la, li diccionairî aveut fwait l' toû des mots di A disk' a CAS. Adon, li restant des mots del båze di dnêye dimorrè å livea d' brouyon.
Les mots î sont rfondous coinreçmint, tot relijhant les foninmes les pus tipikes di ç' payis la.
Li båze di dnêyes est rprinjhe sol limero [S117] dins l' djivêye des motîs do walon.
Li båze di dnêyes rashonne :
Tos les sourdants sont cités dins l' comintåre del gayole M2 do tåvleu brouyon.
Li cawete di codjowaedje «-è» des infinitifs del Fåmene et do Bork, al limotche bijhrece do payis d' ersè, sont sovint notés dins l' colone di spårdaedje, et minme pacô dins les fråzes.
Li prononçaedje «e» (/ə/) del voyale «u» a Bietris et sol Simwès disca Bouyon n' est måy riscrît dins les cognes coinreces des mots.
Li prononçaedje «é» (/e/) del cawete -ea a Tchonveye et Bietris et les viyaedjes djondants l' tchestrolès n' est djamåy riprins nerén.
Eplaideye a môde di foyous toûnreces, a pô près tos les moes, di 1995 a 1997, dizo les limeros 1 a 23 (a-z aveuri). Gn a veut dins tchaeke côp les mots studyîs ci moes la, pu eto des tecses k' avént siervi å naxhaedje (da Gaston Lucy, Charles Delaite, evnd.). Les tecses da Châle Delaite ont stî replaidîs dins l' gazete "Singuliers" dins les anêyes 2010.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.