On mancî lingaedje (man’cî linguètch; on dit eto avou po tchaeke mot, ene idêye diferinne padrî l' tiesse : spotchî lingaedje, formagnî lingaedje, lingaedje dilérin, pitit lingaedje, lingaedje do payis)[1], c' est on lingaedje ki pôreut bén ndaler bénrade evoye, pask' i gn a cåzu pupont d' djins kel djåznut.
On mancî lingaedje est todi replaecî pa on spotchant lingaedje.
Tot on tins, i vont viker ambedeus, onk dilé l' ôte. C' est ene sitouwåcion sociolinwistike k' on lome li diglosseye. Po les cis ki cåzèt li spotchant lingaedje, l' ôte est sovint rwaitî come on patwès.
Sins ene politike linwistike pol rivicaedje di l' espotcheye langue, li diglosseye eva todi eviè li disparexhaedje do ptit lingaedje et l' uzaedje rén k' do spotchant lingaedje.
Li rvicaedje d' on mancî lingaejde ni s' pout fé k' avou des accions pol linwe-ehåyaedje eyet avou li rfondaedje del langue.
Si les troes sacwès (politike linwistike, rifondaedje et linwe-ehåyaedje) n' adiercèt nén leu côp, li spotchî lingaedje divént on moirt lingaedje.
- tos les lingaedje d' oyi apus kel francès.
- tos les ptits lingaedjes di l' Espagne, apus kel catalan k' a l' air d' aveur bén rprins.
- tos les lingaedjes gayels.
- cåzu tos les lingaedjes do payis e l' Afrike.
- tos les lingaedjes des Indyins d' Amerike.
- AIDLCM (Association internationale des langues et cultures menacées), ki s' penleu a stî Paul Lefin, et k' eplaide ses noveles dins Cotcorico.
- Pordjet "Google" po schaper les mancîs lingaedjes.
- CROMBEL
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
