Li ptite comere avou l' blanke camizole (novele)

La p'tite coumére avu la blantche camisole

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

Li ptite comere avou l' blanke camizole (La p'tite coumére avu la blantche camisole), c' est ene novele sicrîte pa Lucyin Mahin et eplaideye dins li ptite coleccion del SLLW e 1989.

Li motlî k' i gn a-st al fén a stî rashonné pa Jean Germain. Il est rprins dizo l' limero S57 dins l' djivêye des motîs do walon. Li minme, e rfondou, apresté pa Pablo Sarachaga e 2005, est limeroté R21.

Tinme

Li mwaisse persounaedje, c' est on studiant årtisse des biesses ki vént d' aler piker des vatches pol cocote dins l' payis do Tchestea et d' Libråmont. I rvént e-n oto del nute, adon k' i gn a on spès brouyård.

Tot d' on côp, i voet ene pitite kimere ki rote sol boird del voye. Elle a ene blanke camizole. El tchedje, et li rmoenner e s' måjhone, a Glaireuse.

Foirt oniesse, li valet n' oize nén trop dmander des kesses al kimere, mins gn a totès sôres d' idêyes ki lyi aspitèt dins s' tiesse, ca ci ptite djin la lyi rvént bén:

Ele ni respond nén; mins s' soreye-t ele tot doûcetmint, di l' coine des lepes. Ses grands bruns tchveas mitan crolés lyi rafaxhèt les spales et les mashales. I gn a djusse si ptit nez et s' fén minton ki brikèt foû pa dvant. On ptit muzea d' sori, direut ele li grosse Dondon Capiche, ki n' est k' li linwe cwand elle est al canlete. Mins dj' n' end a d' keure; dj' inme co bén ci ptit djinre la, la, mi.

Hårdêyes difoûtrinnes

• Bokets del novele (so l' Aberteke)
• (so Wikisourd)
  • Mwaisse modêye (Feller SLLW)
  • Rifondou walon (Pablo Sarachaga, 2005, rapontieye e 2021)
  • Mwaisse modêye (motlî S57)
  • Rifondou walon (motlî R21)