Joseph Durby (e walon : Djôzef Derbu), c' est on scrijheu e walon k' a skepyî a Vå-dlé-Borset li 27 d' awousse 1882 et k' a morou a Hu li 6 d' avri 1963.
E 1925, li veye di Hu amonta li pris Joseph Durbuy e si oneur.
Il est rprins dins l' grosse antolodjeye da Piron et dins l' antolodjeye Fleurs diyalectåles. Come di djusse, il esteut eto po-z esse riprins dins l' pordjet (nén adiercî) d' antolodjeye des scrijheus e walon do Payis d' Hu.
I dmora lontins å 104, pavêye di Wareme, a Hu, la k' on-z a pindou ene grande plake, diviè 1995.
Di s' mestî, il esteut martchand d' vatches, mins il aveut fwait ses scoles d' agronome. Il a co fwait toplin des ôtes mestîs.
I fourit onk des pus rlomés scrijheus d' pîces di teyåte e walon dins l' eter-deus-gueres. Li prumire, "l' Amerikin", a ddja rexhou e 1905.
Il a scrît des arimés, avou, mins ki n' ont nén parexhou di s' vicant. Et on roman «Li ci k' esteut d' trop» (1950).
C' est lu k' a-st enondé li soce "Li Coirneu" di Hu e 1946.
E 2004, li minme soce "li Coirneu" vuda on live avou ses arimés nén eplaidîs et sacwants bokets d' prôze.
- L' Amerikin (1905)
- Come i s' î fåt prinde (1908)
- Wice pasrè-t ele ? (1908)
- Pî d' poye (1910)
- Handeles (1912)
- Ki fåt i fé ? (1913)
- Les rampioûles (1920)
- Li ståve (1925)
- Bouyote (1926)
- Li fosfate (1928)
- Mi (1930)
- Les ragonasses (1931)
- Li påpåd (1932)
- Fabrike al croye (1938)
- Ene ehale (1947)
- Moxhete (1950)
Li sot påwion, metou e muzike pa Pierre Vandamme; c' esteut l' tchanson ki Jean Loos aveut ptchî do tchanter å Trocadero d' Lidje.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
