Jules Feller a skepyî a Roubai li 4 di nôvimbe 1859. Il a morou a Vervî li 29 d' avri 1940.
C' esteut on rcwereu sol walon ki, di s' mestî, esteut professeur d' umanités a Vervî.
Jules Feller fourit onk des prumîs a bén vey kel walon, ci n' est nén fok li lidjwès, et l' ricnoxhe come ene langue.
Ouve pol walon
Il adjinçna, diviè 1900, li sistinme di scrijhaedje ki poite si no (sistinme Feller), on maxhaedje di rîles fonetikes et di scrijhas analodjikes do francès, mins avou bråmint d' aloyance divintrinne (årvier di sacwants ôtes sistinmes di dvant). I serè-st eplaidî sol tite di Essai d' orthographe wallonne e Tome 41, prumî live do B.S.L.L.W. (1901), pu diswalpé dizo l' tite Règles d' orthographe wallonne e tome 41 deujhinme live (1902). I serè co on côp replaidî e moes d' awousse 1905.
Li sistinme Feller va fini pa esse accepté pa tos les scrijheus do Payis Walon, di cåze del reclame fwaite pal S.L.L.W..
Il aveut cmincî, avou Jean Haust, li Dictionnaire général de la langue wallonne.
I rashonna tos ses årtikes di linwince dins on live Notes de philologie wallonne, eplaidî e 1912.
Jules Feller fourit li mambor da Martin Lejeune, et-z eplaidî ses ouves en on spès live e 1923. Dins l' biyografeye do scrijheu, on pout lére ene pårteye di ses idêyes so l' avançmint des belès-letes e walon, a pårti d' l' ovraedje des diccionairîs.
Hårdêye difoûtrinne
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
