Les Kitridiomicetes, ou Kititrides constitouwèt ene des cwate grandès dvizions do ringne des Fungi, ôtrumint dit des tchampions. Li no fwait referince å kitridiom (do grec chytridion volant dire pitit pot), li structeure reclôyant les spôres. Dins les classifiaedjes di dvant, les kitrides (såf les noveas ôres des Neocallimasticales et des Spizellomycetales) estént metous dins l' classe des Ficomicetes, apårtinant zels-minmes al dizo-dvizion des Micsomicofita. Dins on pus vî et pus pitit acoird, li terme de kitrides fijheut seulmint referince a l' ôre des kitridiyales.
Les Kitrides sont considerêyes pal filodjeneye come li pus viye fôme des tchampions, ki les troes ôtes divizions ndè vnèt. Ene grosse pårt sont acwatikes, prezints surtout dins les doûcès aiwes. I sont saprofites ou parazites, distrujhant li kitene et l' keratene. Leus diferinnès especes ont stî rdispårteyes e cénk ôres (vey li tåvlea). Onk di leus ponts e comon c' est d' aveur des spôres a ene flayale. Li tale ni foime nén on vraiy miceliom. Des especes k' i gn a n' ont k' ene celule.
Kékès especes di kitrides sont kinoxhowes po-z ocazioner l' moirt des rinnes e blocant leus ôrganes respiratweres (fenominne ricnoxhuo dispoy 1998, en Ostraleye et å Panama). Des ôtes si plèt ataker å mayisse ou al luzere.
Difoûtrinne hårdêye
- Site en inglès so les tchampions kitrides (Chytrid Fungi Online)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
