Betchfessî sh

Li betchfessî SH, c' est li scrijha SH eployî come betchfessî scrijha po sacwants mots ki sont prononcîs avou ch (ʃ) sol Coûtchant walon, mins eto kékfeye sol Walon do Mitan, ey e l' Basse Årdene. Après Lidje, i sont prononcîs avou li li son S.

Pol discramiaedje des årtikes avou l' mot « H », loukîz cial.

C' est sovint des mots foirt målåjheys a rfonde, avou toplin des disfondowes.

eshonne (eshonne = èssonne, èssonle, èssanne, assanne <> èchène, acheune).

Ôtes egzimpes :

• båshele & boshale
• mashale

Betchfessî SH et sistinme des cossounes

Li betchfessî SH riprezinte ene deure cossoune. Eto, i n' candje nén li prononçaedje des coûtès voyales I, U eyet OU metowes padvant.

Uzaedje do scrijha SH come betchfessî

Li betchfessî SH a stî atåvlé pa Stéphane Quertinmont et Jean-François Brackman, cåzu e minme tins, diviè 1997.

Ci fourit li dierin des betchfessîs scrijhas diswalpés pa les rfondeus. I n' esteut nén co la å Raploû d' Tchålerwè sol rifondaedje (1996).

Mapes a studyî

• Mape ALW 1.34 (eshonne) avou tote li stindêye do son "ch" eroylêye.

Hårdêyes difoûtrinnes

• Mots avou l' betchfessî SH dedja studyîs e Wicionaire