On toitche-nez, c' est on mantche avou on laesse après, k' on toirtcheye dissu l' lepe dizeutrinne d' on tchvå ou d' on moulet po l' tini astok. Et l' årtisse el poleur viziter et médyî.
On s' è pout siervi eto so les chamos.
On passe si mwin dins dins l' laesse del coide, et leyî pinde li toitche-nez après s' pougnet.
D' ene mwin, on apice li lepe dizeutrinne do tchvå, et d' l' ôte, on toirtcheye li coide åtoû del lepe, tot tournant l' mantche raddimint. Li mwin continowe a tni l' lepe, disca tant ki l' coide est bén toirtcheye et l' lepe bén serêye, tantea k' on pout tni l' lepe (et tote li tiesse, et tot li tchvå) avou l' mantche, sins waire di foice.
On l' pout mete eto après ene oraye (metans on deujhinme toitche-nez, a des biesses foirt kitapantes).
Li doleur askepieye på toitche-nez fwait ki l' biesse ni prind nén asteme ås ôtes doleurs, par egzimpe, cwand on lyi fwait ene pikeure.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.