Persounaedje di binde d' imådje askepyî pa José Schoovaerts From Wikipedia, the free encyclopedia
Li Professeur Titôrvå (Profèsseûr Titorval), pus tård ricandjî a Totlravi[1], c' est on persounaedje di binde d' imådjes askepyî po des bédés e walon pa José Schoovaerts, so ene dimande da Joël Thiry.
Li no da Titôrvå vént del fråze : dji boereu voltî on ptit Ôrvå.
Il est purade kinoxhou pal binde d' imådjes k' a parexhou dins l' Avni do Lussimbork, pu come live eplaidî å Muzêye do Pårlaedje e l' Årdene e 2011. Ci fourit dandjreus li prumire binde d' imådjes creyeye pår e walon dins l' Province do Lussimbork.
Il est rprins sol cou-coviete di Singulîs.
Mins li persounaedje sieve eto pol Rantoele-gazete.
Les prumirès sayes del bédé ont parexhou aprume dins Singuliers (l° 1/2010) et dins l' Rantoele-gazete (bontins 2010). Pu, a cmincî do 16 d' avri 2010, li vinrdi dins l' Avni do Lussimbork.
El Professeur Titôrvå s' a tchôkî e s' tiesse l' idêye di rmete Hegel e walon. L' istwere (36 pådjes) "Li sinsibe acertinance" s' a edåmé li 24 d' avri 2010 dissu l' arincrin emon "Toudi"... Et rexhe so papî dins l' Rantoele-gazete (l° 59).
Et, adonpwis, n' vola-t i nén ki l' djermale do Professeur si mete a berdeler tot hôt, a môde di ptit fime d' imådjes so Youtube.
Pal voye di cwate desséns, il est d' kession di fé passer ene fråze ki fwait rire et tuzer, sol modele do tchet da Philippe Geluck.
Li sinnario a stî atuzlé pa Joël Thiry, a pårti di sinnes k' il a viké dins si scole di Måtche-el-Fåmene. Et tot la k' i gn av des fåves ki s' racontént.
Al fén di l' ovraedje-eshonne Schoovaerts-Thiry (2013), li persounaedje ravike avou on rodje costeume dins l' Rantoele-gazete (limeros d' 2013 eyet 2014) dizo l' ribatijhaedje "Tolravi". Avou des tecses walons da Djozé Schoovaerts, riscrîts e rfondou walon pa Lucyin Mahin.
Pu, avou on brune (des côps on djaene-vete) costume, divins l' binde d' imådjes Gama-coûte (2013). Pu s' shûte, Gama-coûte 2 (2017).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
