Des schaesses u des eschaesses, c' est des grandès longuès pîces di bwès, avou on fortchon, on strî u ene clawêye plakete po mete si pî après. On prind les bwès dizo s' bresse, come des crosses, et roter avou. On saye insi d' esse pus hôt, po passer l' aiwe, metans, u d' aler pus rade.
Motlî
Li ci ki rote so des schaesses, di s' mestî si lome on schaesseu[1] u on schaessî.
Li plaece k' on mete li mwin po l' tini, c' est l' manote.
Uzance des eschaesses
Les djins ki viként l' long des aiwes avént todi des schaesses po roter avå les voyes tins des grossès aiwes.
Sacwants sôdårds end avént, et les bierdjîs avou, po-z aler pus rade.
Les schaesseus d' Nameur
A Nameur, dispu l' 11inme sieke, on rote a schaesses. Dispu å moens li 16inme sieke, gn a on spôrt "nåcionå" namurwès, ki s' djowe sol Plaece d' Åres, divant les grands priyîs, et k' c' est deus ekipes di schaesseus ki lûtnut ene siconte di l' ôte. C' est les bates di schaesseus d' Nameur.
Bate di schaesseus a Nameur e 1774
Li 31 di may 1774, l' årtchiduk Miyin d' Otriche, li fré da l' Impreu Djôzef II, vént a Nameur, et, por lu, on-z emantche ene grande bate di schaesseus. On-z a rashonné on meye di schaesseus. I gn a deus camps : les «Melans», k’ ont des schaesses noeres èt djaenes et ki vnèt foû del viye veye (li cene di 1400)[2], et les Avresses,[3] k’ ont des schaesses rodjes et blankes, et ki vnèt foû del novele veye et des forbots.
I s’ vont bate dipus d’ deûs eûres au long. C’ est les Avresses ki vont wangnî.
One pîce d' èn ake sol bate do 31 di may 1774
Deus acteurs francès, Klairwal et d’Armand, ont stî asblawis del beaté del bate. I decidnut tos les deus do scrire ene pîce di teyåte po rinde bon dvwer ås schaesseus. Li cene da Klairwal serè djouwêye e teyâte di Nameur li 9 di djun. Ladvins, gn a on boket d' cåzaedje e walon.[4]
Bate divant Napoleyon e 1803
Napoleyon Bonapåre decide di viziter l' Beldjike, divnowe province francesse, cwand il esteut prumî Consul, di l' esté 1803.
A Nameur, on l' riçût come Miyin d' Otriche.[5]
Alére
so Wikisourd: Les schaesseus- (fr) Motî Pirsoul p. 90-93 a «chacheû».
Difoûtrinne hårdêye
Sourdants & pî-notes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
