From Wikipedia, the free encyclopedia
Séntrë-Loumåy / Zittert-Lummen
Séntru-Loumay (la-minme e sistinme Feller, Séntrë-Loumåy[1] (fr) Zétrud-Lumay; (nl) Zittert-Lummen), c' est èn ancyin ptit ban del Walonreye, rebané avou Djodogne, e l' province do Roman Payis.
| |||
L' eglijhe do ptit ban.![]() | |||
Lingaedje oficir | Francès | ||
Lingaedje coinrece | Walon do Mitan | ||
Limero diyalectolodjike | Ni 17[2] | ||
Limero del posse | 1370 (asteure)
5907 (1969-1977)[2] | ||
Spotaedje des dmorants | ? | ||
Eplaeçmint | - Djodogne
- Beldjike | ||
Sitindêye | ? | ||
Peuplåcion (2023) | ? | ||
Dinsité (asteure) | / | ||
Coisse d' eure | ECG (ECG+1) / CEST (UTC+2) | ||
Preficse telefonike | (+32) 010 |
Metou sol frontire Walonreye-Flande, astok d' Ougår et d' Outchår.
Ciste intité la egzistêye dispu l' Mîtrinne Ådje. Elle est fwaite do viyaedje di Séntru et do hamtea d' Loumay. Les deus viyaedjes estént èn alou del famile «di Séntru», k' esteut waslet do conte di Nameur. Dabôrd di ça, c' esteut on teritwere namurwès esseré dins l' dutcheye do Braibant.[3]
Dizo l' redjime francès, Séntru-Loumay esteut dins l' comene d' Outchår, metowe dins l' dipårtumint del Tîle li 23 d' may 1810. Mins Outchår divna pus peuplé k' Séntru e 19inme sieke, c' esteut ene pårotche a pårt. Les Outchårîs fijhît ene peticion e 1891. Les djins fourît d' acoird po schåyî l' comene, mins li bate di dvizes ni s' cloya ki l' 22 d' djulete 1922. Séntru-Loumay et Outchår divnént deus comenes, di l' arondixhmint d' Lovén. Li hamtea d' Tchapeavå (Chapeauvau, Kappendal) aléve avou Outchår (mågré des nos d' plaece walons u maxhîs walon-flamind, mins sins måjhons dins cisse coine la, ca l' cinse leye-minme di Tchapeavå est so Élessene).[4]
E 1962, ele vina dins l' arondixhmint d' Nivele, e l' rebanêye comene di Djodogne, såf li hamtea d' Éljhi (Elgy, Elst) k' ala dins l' rebanêye comene d' Ougår.
Les nos d' plaece di Séntru-Loumay sont bråmint di stok flamind, mins ont stî rwalnijhîs.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.