From Wikipedia, the free encyclopedia
L' otruche d' Afrike, c' est l' pus cnoxhowe des otruches.
_(24208084650).jpg)
Sincieus no d' l' indje : Struthio camelus
C' est on grand oujhea ki mzeure åjheymint dipus d' 2 metes.
I pout pezer disca 140 kilos.
Li måye et l' frumele sont foirt diferins.
Ses longuès pates lyi permetnut di cori a des grandès vitesses (70 a l' eure, pol moens).
L' otruche ordinaire si rescontere naturelmint dins les wastenes e l' Afrike.
Elle a stî amoennêye e l' Ostraleye al fén des anêyes 1860. Ele s' î a si bén mopliyî k' elle est loukeye come ene evayixhante indje dins sacwants cantons.[1]
Les plomes di l' otruche siervèt dispu bele ådje po gårni les tchapeas des djîle.
E 18inme sieke, li pôrt marokin d' Essawira esteut l' prumî esporteu di plomes d' otruches å monde, ki vnént bråmint di s' comiece houte do Såra.
Les otruches sont-st aclevêye po leus plomes, leus oûs et leu tchå et leu cur.
Gn a ene cinse otruchrece a Rotchfoirt (cinse d' ônoe) k' a-st ataké e 1997.[2]
Les aclevêyès otruches polèt atraper des maladeyes di totes les sôres, come les ôtès biesses.[3]
Gn a eto des coixheures ki plèt åjheymint ariver e tcheriant les oujheas d' ene plaece a l' ôte.
Onk des prumîs senes di maladeye, c' est l' disploumaedje.
Po viziter spepieuzmint u operer ene otruche, våt mî l' edoirmi, ca l' oujhea pout betchî et piter, disca sketer des oxheas do tchaspougneu. Po-z edoirmi, on pout eployî del silazene (4 mg å kilo) shuvou après 20 munutes di ketamene (8 mg å kilo).[4]
_disploumé_sol_dirî.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
